ବରୀ,୧୨ା୧୦(ଡି.ଏନ୍.ଏ.): ଗତ ଅଗଷ୍ଟରେ ହୋଇଥିବା ବନ୍ୟାକୁ ଇତିମଧ୍ୟରେ ଦେଢ଼ ମାସରୁ ଊର୍ଦ୍ଧ୍ୱ ସମୟ ବିତିଥିଲେ ବି ବରୀ ବ୍ଲକରେ ତ୍ରୁଟିପୂର୍ଣ୍ଣ ତାଲିକା ଯୋଗୁ ବହୁ ବିପନ୍ନ ପରିବାର ସରକାରୀ ସହାୟତାରୁ ବଞ୍ଚତ୍ତ ହୋଇଛନ୍ତି। ଅନେକ ପରିବାର ରିଲିଫ ଚାଉଳ, ଟଙ୍କା ପାଇ ନ ଥିବା ଅଭିଯୋଗ କରୁଥିବା ବେଳେ ବାସଗୃହ ଭାଙ୍ଗି ଯାଇଥିବା ବହୁ ପରିବାରକୁ ଏ ଯାଏ ପାଲ ଖଣ୍ଡେ ମିଳିନି। ଗତ ବନ୍ୟାରେ ରତ୍ନଗିରି ପଞ୍ଚାୟତ ଅଧୀନ ପାଟଣା ଗ୍ରାମର ବହୁ ଲୋକଙ୍କ ଘର ଭାଙ୍ଗିଥିଲା। ପଲିଥିନ ନ ମିଳିବାରୁ ତଦନ୍ତ କରାଯାଇ ବିପନ୍ନଙ୍କୁ ସହାୟତା ଯୋଗାଇବାକୁ ସ୍ଥାନୀୟ ଲୋକେ ଦାବି କରିଥିଲେ। ଏ ନେଇ ଗ୍ରାମବାସୀ ବରୀ ତହସିଲ ଆଗରେ ଧାରଣା ଦେବା ପରେ ବିପନ୍ନଙ୍କ ତାଲିକା ପ୍ରସ୍ତୁତ କରାଯାଇ ତୁରନ୍ତ ସେମାନଙ୍କୁ ସହାୟତା ପ୍ରଦାନ କରିବାକୁ ତହସିଲଦାର ନିର୍ଦ୍ଦେଶ ଦେଇଥିଲେ। ମାତ୍ର ତଦନ୍ତ ସରିବାକୁ ଇତିମଧ୍ୟରେ ମାସେ ପୁରିଥିଲେ ବି ସେହି ବିପନ୍ନ ପରିବାର ଖୋଲା ଆକାଶ ତଳେ ପଡ଼ିଛନ୍ତି। ଏ ନେଇ ସ୍ଥାନୀୟ ଅଞ୍ଚଳବାସୀଙକ୍ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଆସନ୍ତା ସପ୍ତାହକ ମଧ୍ୟରେ ପଲିଥିନ ଯୋଗାଇ ଦିଆ ନ ଗଲେ ପୁଣି ତହସିଲ ଅଫିସ ଆଗରେ ଧାରଣା ଦିଆଯିବ ବୋଲି ପଟଣା ଗ୍ରାମର ରତ୍ନାକର ପାତ୍ର, କାଳନ୍ଦୀ ସେଠୀ, ରଞ୍ଜିତ ଜେନା, ପୀତାମ୍ବର ନନ୍ଦ, ଦୁଃଶାସନ ବାରିକ, ଚନ୍ଦ୍ରମଣି ଜେନା ପ୍ରମୁଖ ଚେତାବନୀ ଦେଇଛନ୍ତି।
