ନୂଆଦିଲ୍ଲୀ,୬।୧୧: ଭାଜପା ନେତା ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି ଯେ କମଲ ନାଥ ମଧ୍ୟପ୍ରଦେଶରେ ଏକ ‘ସଂପୂର୍ଣ୍ଣ ଦୁର୍ନୀତିଗ୍ରସ୍ତ’ ସରକାର ଚଳାଇଥିଲେ। ସେ ମୁଖ୍ୟମନ୍ତ୍ରୀ ଥିବାବେଳେ ତାଙ୍କ ପାଖରେ ସମୟ ନ ଥିବାରୁ ବିଧାୟକ ତଥା ଲୋକଙ୍କୁ ‘ଚଲୋ, ଚଲୋ’ କହିଥିଲେ। ତେଣୁ ଲୋକମାନେ ତାଙ୍କୁ ମୁଖ୍ୟମନ୍ତ୍ରୀ ଚେୟାରରୁ ‘ଚଲୋ, ଚଲୋ’ ମଧ୍ୟ କହିଥିଲେ। ନିର୍ବାଚନ ପ୍ରଚାର ସମୟରେ ଏକ ସାକ୍ଷାତକାରରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ସିନ୍ଧିଆ ଏକ ଘରୋଇ ଟେଲିଭିଜନ ଚ୍ୟାନେଲକୁ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଚେୟାର ପ୍ରତି ତାଙ୍କର ଲୋଭ ନାହିଁ। ସେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ ରାଜ୍ୟକୁ ବଦଳାଇବାର ଶ୍ରେୟ ଦେଇଛନ୍ତି। ଆଜି ମଧ୍ୟପ୍ରଦେଶରେ ଆମେ ଯେଉଁଠି ଅଛୁ ତା’ର ୮୦ ବା ୯୦ ପ୍ରତିଶତ କାରଣ ଚୌହାନଙ୍କ ଯୋଗୁ ସମ୍ଭବ ହୋଇଛି ସେ ରାଜ୍ୟକୁ ପରିବର୍ତ୍ତନ କରିଛନ୍ତି।
ଶିବରାଜ ସିଂ ଚୌହାନଙ୍କୁ ଦଳରୁ ଦୂରେଇ ରଖାଯାଇଥିବା କଥାକୁ ମଧ୍ୟ ସିନ୍ଧିଆ ପ୍ରତ୍ୟାଖ୍ୟାନ କରିଛି। ସେ କହିଛନ୍ତି, ତୁମେ ଶିବରାଜ ସିଂ ଚୌହାନଙ୍କୁ କେଉଁଠାରେ ଦେଖୁନାହଁ। ସେ ପ୍ରତିଦିନ ଏକାଧିକ ରାଲି ସହ କଠିନ ପ୍ରଚାର କରୁଛନ୍ତି। ଏହା ଭାଜପାର ଏକ ସମଗ୍ର ଦଳ, ଯାହା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛି। ରାଜ୍ୟ ସଭା ଏମପି ସିନ୍ଧିଆ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁନାହାଁନ୍ତି। ଗ୍ବାଲିଅର୍-ଚମ୍ବଲ ଅଞ୍ଚଳରେ ୩୪ ଟି ସିଟ ଜିତିବାର କଷ୍ଟସାଧ୍ୟ ଦାୟିତ୍ୱ ସିନ୍ଧିଆଙ୍କ କାନ୍ଧରେ ରହିଛି।