ନୂଆଦିଲ୍ଲୀ,୧୮ ।୧୧: ଆତଙ୍କବାଦ ପାଣ୍ଠିର ମୁକାବିଲା କରିବାର ପ୍ରକ୍ରିୟାକୁ ନେଇ ଆଲୋଚନା କରିବା ପାଇଁ ଶୁକ୍ରବାର ଅର୍ଥାତ୍ ୧୮ ନଭେମ୍ବରରେ ଦିଲ୍ଲୀରେ ଦୁଇ ଦିନିଆ ଅନ୍ତର୍ଜାତୀୟ ମନ୍ତ୍ରୀସ୍ତରୀୟ ସମ୍ମିଳନୀ ଆରମ୍ଭ ହେବାକୁ ଯାଉଛି । ଏଥିରେ ୭୫ଟି ଦେଶ ଓ ଅନ୍ତର୍ଜାତୀୟ ସଙ୍ଗଠନର ପ୍ରତିନିଧି ଅଂଶଗ୍ରହଣ କରିବେ । ଜଣେ ସରକାରୀ ଅଧିକାରୀ କହିଛନ୍ତି, ଗୃହ ମନ୍ତ୍ରଣାଳୟ ୧୮-୧୯ ନଭେମ୍ବରରେ ‘ଆତଙ୍କବାଦୀଙ୍କ ପାଇଁ କୌଣସି ଅର୍ଥ ନାହିଁ: ଆତଙ୍କବାଦ ମୁକାବିଲା ବିରୋଧରେ ମନ୍ତ୍ରୀମାନଙ୍କ ସମ୍ମିଳନୀ’ ଆୟୋଜନ ହେଉଛି । ଏଥିରେ କେନ୍ଦ୍ର ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହା ଓ ଅନ୍ୟ ନେତାମାନେ ଅଂଶ ଗ୍ରହଣ କରିବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ମିଳନୀର ଉଦଘାଟନ କରିବେ ।
ଏହି ସମ୍ମିଳନୀରେ ମୁଖ୍ୟଭାବେ ଆତଙ୍କବାଦ ପାଇଁ ପାଣ୍ଠିର ଆନୁଷ୍ଠାନିକ ତଥା ଅନୌପଚାରିକ ଉତ୍ସ ପେରିକି ‘ହାୱାଲା’ ଓ ‘ହୁଣ୍ଡି’ ନେଟୱର୍କର ବ୍ୟବହାର ଉପରେ ଆଲୋଚନା କରାଯିବ । ଏହା ବ୍ୟତୀତ ନୂତନ ଟେକ୍ନୋଲୋଜି ସାହାଯ୍ୟରେ ଆତଙ୍କବାଦକୁ କିଭଳି ଅର୍ଥ ପ୍ରଦାନ କରାଯାଉଛି ଏବଂ ଏହାକୁ ରୋକିବାରେ ସମ୍ମୁଖୀନ ହେଉଥିବା ସମସ୍ୟା ଉପରେ ମଧ୍ୟ ଆଲୋଚନା କରାଯିବ ।
