ବେଜିଂ,୨୩।୬: ଫିଲିପାଇନ୍ସର ରାଷ୍ଟ୍ରପତି ରବିବାର କହିଛନ୍ତି ଯେ ତାଙ୍କ ଦେଶ କୌଣସି ବିଦେଶୀ ଶକ୍ତି ଆଗରେ ନଇଁବ ନାହିଁ କିମ୍ବା ଯୁଦ୍ଧ ଆରମ୍ଭ କରିବ ନାହିଁ। ଦକ୍ଷିଣ ଚାଇନା ସାଗରରେ ଚାଇନା ସେନା ଏବଂ ଫିଲିପାଇନ୍ସର ନୌସେନା ମଧ୍ୟରେ ସଂଘର୍ଷ ପରେ ତାଙ୍କ ବିବୃତ୍ତି ସାମ୍ନାକୁ ଆସିଛି। ତେବେ ଚାଇନା ଫିଲିପାଇନ୍ସ ନୌସେନାର ଦୁଇଟି ବୋଟକୁ ଛୁରୀ, କୁରାଢିି ଏବଂ ହାତୁଡ଼ିରେ ଆକ୍ରମଣ ନଷ୍ଟ କରି ଦେଇଥିବା କୁହାଯାଇଛି।
ରାଷ୍ଟ୍ରପତି ଫର୍ଡିନାଣ୍ଡ ମାର୍କୋସ ଜୁନିୟର ତାଙ୍କର ମୁଖ୍ୟ ଜେନରାଲ ଓ ପ୍ରତିରକ୍ଷା ମୁଖ୍ୟଙ୍କ ସହ ପଶ୍ଚିମ ଦ୍ୱୀପ ଅଞ୍ଚଳର ପଲାଓ୍ବନ ଉନ ନୌସେନା କର୍ମୀଙ୍କୁ ଭେଟିବା ଓ ସେମାନଙ୍କୁ ପଦକ ପ୍ରଦାନ କରିବାକୁ ପହଞ୍ଚିଥିଲେ। ସେତେବେଳେ ଏହି ଘଟଣା ଘଟିଥିଲା। ଭିଡିଓ ଏବଂ ଫଟୋ ସର୍ବସାଧାରଣରେ ଦର୍ଶାଯାଇଛି ଯେ ଚାଇନା ତଟରକ୍ଷୀ ବାହିନୀ ଫିଲିପାଇନ୍ସ ନୌସେନାର ଜାହାଜ ଉପରେ କାଠ ପଟା ଏବଂ ସାଇରନ ବଜାଇ ଆକ୍ରମଣ କରୁଛି। ଏଥିସହ ସେମାନେ ଏକ ବ୍ୟାଗ ଜବତ କରୁଥିବା ଦେଖାଯାଇଛି।
ଚାଇନା ସରକାର କହିଛନ୍ତି ଯେ ଫିଲିପାଇନ୍ସର ନୌସେନା ଚେତାବନୀକୁ ଅଣଦେଖା କରିଥିବାରୁ ଏହାର ତଟରକ୍ଷୀ ବାହିନୀ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଡିବ। ଚାଇନା ଏହି ଅଞ୍ଚଳକୁ ଏହାର ଉପକୂଳ ଅଞ୍ଚଳ ବୋଲି ଦାବି କରେ, ଯଦିଓ ଫିଲିପାଇନ୍ସ ଏବଂ ଅନ୍ୟମାନେ ଏହି ଦାବିକୁ ବହୁ ପୂର୍ବରୁ ପ୍ରତ୍ୟାଖ୍ୟାନ କରିଆସୁଛନ୍ତି। ଏହାକୁ ଆମେରିକା, ୟୁରୋପୀୟ ୟୁନିଅନ, ଜାପାନ, ଅଷ୍ଟ୍ରେଲିଆ ଏବଂ ଅନ୍ୟ ପାଶ୍ଚାତ୍ୟ ଏବଂ ଏସୀୟ ଦେଶମାନେ ନିନ୍ଦା କରିଛନ୍ତି। ଏଥି ସହିତ ଚାଇନା ଏବଂ ଫିଲିପାଇନ୍ସ ଏଥିପାଇଁ ପରସ୍ପରକୁ ଦାୟୀ କରିଛନ୍ତି।