ମୁମ୍ବାଇ: ଅଭିନେତ୍ରୀ ଜାହ୍ନବୀ କପୁର ଏମିତି ଏକ ଶପଥ ନେଇଛନ୍ତି ଯାହାକି କୌଣସି ଯୁବତୀ ଯୁବକଙ୍କ ମଧ୍ୟରେ ବ୍ରେକ୍ଅପ୍ ପରେ ହିଁ ଦେଖିବାକୁ ମିଳିଥାଏ। ଜାହ୍ନବୀ ସବୁବେଳେ ନିଜ ଫିଲ୍ମଠାରୁ ବ୍ୟକ୍ତିଗତ ଲାଇଫ୍ ଏବଂ ଫ୍ୟାଶନ ପ୍ରତି ଚର୍ଚ୍ଚାରେ ରହିଥାନ୍ତି। ଏମିତି ହୋଇଥିଲା ଯେତେବେଳେ ତାଙ୍କ ନାମ କୋ-ଷ୍ଟାର ଇଶାନ ଖଟ୍ଟରଙ୍କ ସହିତ ଯୋଡ଼ା ଯାଇଥିଲା। ମାତ୍ର ଦୁଇଜଣ ଏହି ସମ୍ପର୍କକୁ ସେତେବେଳେ ଅସ୍ବୀକାର କରିଥିଲେ। ପରେ କିନ୍ତୁ ଦୁଇଜଣ ଅଲଗା ହୋଇଯାଇଥିବା ଖବର ଶୁଣିବାକୁ ମିଳିଥିଲା।
ଏହା ପରେ ଏକ ଶୋ’ରେ ଜାହ୍ନବୀ ରିଲେସନଶିପ୍କୁ ନେଇ କିଛି କଥା କହିଥିଲେ। ଶୋ’ରେ ଦେଖିବାକୁ ମିଳିଥିଲା ଜାହ୍ନବୀ ତାଙ୍କ ସମ୍ପର୍କୀୟ ଭଉଣୀ ଶନାୟାଙ୍କୁ କହୁଛନ୍ତି ‘ମୁଁ ଶପଥ କରି କହୁଛି ଅତି କମ୍ରେ ଦୁଇବର୍ଷ ପର୍ଯ୍ୟନ୍ତ ଏକା ରହିବି। ଏହା ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଏକଥା ବି ସ୍ପଷ୍ଟ ହୋଇଥିଲା କି ଜାହ୍ନବୀଙ୍କ ହୃଦୟ ଭାଙ୍ଗି ଯାଇଛି। ସେ ପ୍ରେମରେ ଧୋକା ଖାଇବା ପରେ ଏପରି କହିଥିଲେ।
