କାବୁଲ,୮।୯: ତାଲିବାନ ଆଫଗାନିସ୍ତାନରେ ମଧ୍ୟବର୍ତ୍ତୀକାଳୀନ ସରକାର ଘୋଷଣା କରିଛି। ମୁଲ୍ଲା ମହମ୍ମଦ ହାସନ ଅଖଣ୍ଡଙ୍କୁ ଦେଶର ନୂତନ ପ୍ରଧାନମନ୍ତ୍ରୀ ହୋଇଥିବାବେଳେ ଶେଖ କୌଲଭି ନୁରଲା ମୁନିରଙ୍କୁ ଶିକ୍ଷା ମନ୍ତ୍ରଣାଳୟର ଦାୟିତ୍ୱ ଦିଆଯାଇଛି। ଏହି ସମୟ ମଧ୍ୟରେ ସରକାର ଗଠନ ହେବା ସହିତ ତାଲିବାନର ନିଷ୍ପତ୍ତି ମଧ୍ୟ ଆରମ୍ଭ ହେବାକୁ ଯାଉଛି। ଦାୟିତ୍ୱ ଗ୍ରହଣ କରିବା ପରେ ନୂତନ ଶିକ୍ଷା ମନ୍ତ୍ରୀ ମୁନିରଙ୍କ ବିବାଦୀୟ ବିବୃତ୍ତି ସାମ୍ନାକୁ ଆସିଛି। ମୁନିର କହିଛନ୍ତି ଯେ, ଆଜିର ସମୟରେ ପିଏଚଡି କିମ୍ବା ଅନ୍ୟ କ କୌଣସି ମାଷ୍ଟର ଡିଗ୍ରୀର ମୂଲ୍ୟ ନାହିଁ। ଆମର କୌଣସି ଡିଗ୍ରୀ ନାହିଁ, ତଥାପି ଆମେ ସରକାର ଚଳାଉଛୁ। ଏଭଳି ପରିସ୍ଥିତିରେ ଆଜିର ସମୟରେ କୌଣସି ପ୍ରକାରର ପିଏଚଡି କିମ୍ବା ମାଷ୍ଟର ଡିଗ୍ରୀର ଆବଶ୍ୟକତା ନାହିଁ ବୋଲି ସେ କହିଛନ୍ତି।
ସୂଚନାଯୋଗ୍ୟ, କ୍ଷମତାକୁ ଆସିବା ପୂର୍ବରୁ ତାଲିବାନ ଶିକ୍ଷା କ୍ଷେତ୍ରରେ ଅନେକ ପରିବର୍ତ୍ତନ କରିବା ଆରମ୍ଭ କରି ଦେଇଥିଲା। କଲେଜରେ ପୁଅ ଏବଂ ଝିଅଙ୍କ ମଧ୍ୟରେ ଏକ ପରଦା ରଖାଯାଇଥିଲା। ଅନେକ ସ୍ଥାନରେ କେବଳ ବୃଦ୍ଧ କିମ୍ବା ମହିଳାମାନେ ମହିଳାମାନଙ୍କୁ ଶିକ୍ଷା ଦେଉଛନ୍ତି । ଏଥିସହ ତାଲିବାନ ୨୦୦୧ରେ ତାଲିବାନ ଶାସନ ଶେଷ ହେବା ପରଠାରୁ ଆଧୁନିକ ଶିକ୍ଷା ଉପରେ ଧ୍ୟାନ ଦେଇଥିବା ଘରୋଇ କଲେଜ ଏବଂ ବିଶ୍ୱବିଦ୍ୟାଳୟ ଉପରେ କଟକଣା ଆରମ୍ଭ କରିଛି।