ସମ୍ବଲପୁର,୩୧ା୩(ବି.ଶଙ୍କର)୨୦୧୯ ସାଧାରଣ ନିର୍ବାଚନ ପରେ ସମ୍ବଲପୁର ବିଧାୟକ ତଥା ବିରୋଧୀ ଦଳ ନେତା ଜୟନାରାୟଣ ମିଶ୍ର ଅନ୍ତର୍ଦ୍ଧାନ ହୋଇଯାଇଥିଲେ। ସାଧାରଣ ନିର୍ବାଚନ ଆଉ ପ୍ରାୟ ଦୁଇମାସ ବାକି ଥିବାବେଳେ ପୁଣି ସେ ଦୃଷ୍ଟିଗୋଚର ହୋଇଛନ୍ତି। ବିଭିନ୍ନ ଗଣମାଧ୍ୟମରେ ସେ ୨୦୨୪ ନିର୍ବାଚନରେ ସମ୍ବଲପୁର ଲୋକ ସଭା ଆସନ ସମେତ ସାତୋଟି ବିଧାନସଭା ନିର୍ବାଚନ ମଣ୍ଡଳୀରେ ବିଜୟ ସୁନିଶ୍ଚିତ ବୋଲି କହିଛନ୍ତି ା ଏହା ହାସ୍ୟାସ୍ପଦ ବୋଲି ଶନିବାର ପ୍ରେସ ବିବୃତ୍ତି ମାଧ୍ୟମରେ ସମ୍ବଲପୁର ଜିଲା ଯୁବ ବିଜେଡି ସଭାପତି ଲକ୍ଷ୍ମୀ ପ୍ରସାଦ ମହାପାତ୍ର କହିଛନ୍ତି।
ସେ ଆହୁରି କହିଛନ୍ତି ଯେ, ସମ୍ବଲପୁର ବିଧାୟକଙ୍କ ଯଦି ସତ୍ସାହସ ଅଛି, ତେବେ ସେ ଚାରିଥର ବିଧାୟକ ହୋଇଥିବାରୁ କିପରି ବିକାଶ କରିଛନ୍ତି ଜନତାଙ୍କ ସମ୍ମୁଖରେ ତା’ର ତଥ୍ୟ ପ୍ରଦାନ କରନ୍ତୁ। ଅନ୍ୟପଟେ ଭାଜପାର ସମ୍ବଲପୁର ଲୋକ ସଭା ଏମ୍ପି ନିତେଶ ଗଙ୍ଗଦେବ ମଧ୍ୟ କାର୍ଯ୍ୟକ୍ଷେତ୍ରରୁ ଉଭାନ ହୋଇଯାଇଥିଲୋ ତାଙ୍କ ନାମରେ ବିଭିନ୍ନ ପ୍ରକାର କୁତ୍ସାରଟନା କାନ୍ଥବାଡରେ ଲେଖାଥିବା ନଜିର ରହିଛିା ଅଥଚ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୦୨୪ ନିର୍ବାଚନରେ ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଲୋକ ସଭା ପ୍ରାର୍ଥୀ କରିବା ସମ୍ବଲପୁର ସହର ପାଇଁ ଗର୍ବ ଓ ଗୌରବର ବିଷୟ। ପ୍ରଣବଙ୍କ ନେତୃତ୍ୱରେ ସମ୍ବଲପୁରର ବିକାଶ ଆହୁରି ଦ୍ରୁତ ହେବା ସହ ସେ ଓଡ଼ିଶାର କଥା ଦିଲ୍ଲୀ ଦରବାରରେ ଉପସ୍ଥାପିତ ହୋଇପାରିବ। ଅପରପକ୍ଷେ ବର୍ତ୍ତମାନର ଭାଜପାର ସମ୍ବଲପୁର ସାଂସଦ ପ୍ରାର୍ଥୀ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପେଟ୍ରୋଲିୟମ ମନ୍ତ୍ରୀ ଥିବା ସମୟରେ ରୋଷେଇ ଗ୍ୟାସ ଦରକୁ ୪୦୦ରୁ ପ୍ରାୟ ୧୧୦୦ ଟଙ୍କା କରିଛନ୍ତି। ସେହିପରି ପେଟ୍ରୋଲ ଓ ଡିଜେଲ ଦର ବଢାଇ ୭୦ରୁ ୧୦୦ ଟଙ୍କାରୁ ଅଧିକ ପହଞ୍ଚାଇବାର ବିରଳ ରେକର୍ଡର ଅଧିକାରୀ ଅଟନ୍ତି ବୋଲି ଯୁବ ବିଜେଡି ସଭାପତି ମହାପାତ୍ର କହିଛନ୍ତି ା ଏ ନେଇ ସମ୍ବଲପୁର ବିଧାୟକ ଜୟନାରାୟଣ ମିଶ୍ର କହିଛନ୍ତି, ସମ୍ବଲପୁର ଲୋକ ସଭା କ୍ଷେତ୍ରରେ ଆମେ ବହୁତ ଭଲ ପ୍ରଦର୍ଶନ କରିବୁ ା ଜନତା ଜନାର୍ଦ୍ଦନ ୭ଟି ବିଧାନସଭା ଓ ୧ଟି ଲୋକ ସଭାରେ ଆମକୁ ବିଜୟୀ କରାଇବେ ା ସଦାସର୍ବଦ ଭାଜପା ଜନସାଧାରଣଙ୍କ ସାଙ୍ଗରେ ରହି କାର୍ଯ୍ୟ କରୁଛି ା ପ୍ରକୃତରେ ଆମେ ହଁି ସେମାନଙ୍କ ସୁଖଦୁଃଖର ସାଥୀ। ଭାଜପା ବିଜୟୀ ହେବାକୁ କୌଣସି ଶକ୍ତି ରୋକିପାରିବ ନାହିଁ ବୋଲି ଦୃଢ଼ୋକ୍ତି ପ୍ରକାଶ କରିଛନ୍ତି ଜୟନାରାୟଣ।