ବିନା ହେଲମେଟରେ ଗାଡ଼ି ଚଳାଇଲେ ଅଧୀର ରଂଜନ: ପଚାରିବାରୁ କହିଲେ, ପୋଲିସ ଦଣ୍ଡ ଦେଲେ ଅସୁବିଧା ନାହିଁ

ନୂଆଦିଲ୍ଲୀ,୧୫।୧୦: ପଶ୍ଚିମବଙ୍ଗର ମୁର୍ସିଦାବାଦ ଜିଲାର ବ୍ରହ୍ମପୁର ନିକଟରେ କଂଗ୍ରେସ ନେତା ଅଧୀର ରଂଜନ ଚୌଧୁରୀ ବିନା ହେଲମେଟରେ ବାଇକ ଚଲାଇବାର ଏକ ଭିଡିଓ ଭାଇରାଲ ହୋଇଛି। ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଭାଇରାଲ ହୋଇଥିବା ଏହି ଭିଡିଓରେ କଂଗ୍ରେସ ନେତାମାନେ କାର୍ଯ୍ୟକର୍ତ୍ତାଙ୍କ ସହ ଖୋଲା ରାସ୍ତାରେ ବାଇକ ଚଳାଉଥିବାର ନଜର ଆସିଛନ୍ତି। ଲୋକମାନେ ସୋସିଆଲ ମିଡିଆରେ ଏ ସମ୍ପର୍କରେ ନିଜର ପ୍ରତିକ୍ରିୟା ପ୍ରକାଶ କରୁଛନ୍ତି।
ଭାଇରାଲ ଭିଡିଓ ବିଷୟରେ ପଚରାଗଲା, କଂଗ୍ରେସ ନେତା ଆଧୀର ରଂଜନ କହିଛନ୍ତି ଯେ, ଯଦି ପୋଲିସ ମୋତେ ଦଣ୍ଡ ଦିଏ ତେବେ କୌଣସି ଅସୁବିଧା ହେବ ନାହିଁ, କିନ୍ତୁ ମୁଁ ବାଇକ ଚଳାଉଥିବା ସ୍ଥାନରେ କେହି ନ ଥିଲେ। ମୁଁ ବହୁତ ସମୟ ପରେ ବାଇକ୍‌ ଚଢିଥିଲି କାରଣ ମୋର ସେହି ସ୍ଥାନ ବିଷୟରେ ମୋର ସ୍ମୃତି ଅଛି।
ଲୋକସଭାରେ ବିରୋଧୀ ଦଳର ନେତା ଅଧୀର ରଂଜନ ଅନେକ ସମୟରେ ବିବାଦରେ ରହିଥାନ୍ତି। ପଶ୍ଚିମବଙ୍ଗର ବ୍ରହ୍ମପୁର ଆସନରୁ ଅଧୀର ରଂଜନ ଲୋକ ସଭା ଏମ୍‌ପି ଅଛନ୍ତି।