ସିମୁଳିଆ, ୫।୪(ଡି.ଏନ.ଏ.)- ଲକ୍ଡାଉନରେ କେଇ ମାସ ମିଳୁ ନ ଥିଲା ଦରମା। ଲୋକଙ୍କ ସ୍ଥିତି କେଉଁ ଭଳି ଥିଲା ଦେଖିଛୁ। କିନ୍ତୁ ଆମେ ୬ ବର୍ଷ ହେଲା ଦରମା ପାଇନୁ। ଏଭଳି କୋହଭରା କଣ୍ଠରେ କହିଛନ୍ତି ବାଲେଶ୍ୱର ଜିଲା ସିମୁଳିଆ ବ୍ଲକରେ ଚାଲିଥିବା ଗ୍ରାମ୍ୟ ଜଳ ଯୋଗାଣ ପ୍ରକଳ୍ପ(ଆରଡବ୍ଲ୍ୟୁଏସ୍ଏସ୍)ର ଜଳ ଯୋଗାଣ କର୍ମଚାରୀମାନେ (ପମ୍ପ ଡ୍ରାଇଭର)।
୬ ବର୍ଷ ହେଲା ଦରମା ମିଳିନାହିଁ ା ଏହାକୁ କେନ୍ଦ୍ର କରି ସିମୁଳିଆ ବ୍ଲକର ବିଭିନ୍ନ ପଞ୍ଚାୟତରେ କାର୍ଯ୍ୟରତ ପମ୍ପ ଡ୍ରାଇଭରମାନେ ସୋମବାର ପୂର୍ବାହ୍ନ ୯ଟାରୁ ବ୍ଲକ କାର୍ଯ୍ୟାଳୟ ଫାଟକ ନିକଟରେ ନିଜ ପରିବାର ସହ ଆମରଣ ଅନଶନରେ ବସିଛନ୍ତି ା ଅପରାହ୍ନରେ ବିଡିଓ ଅନଶନକାରୀମାନଙ୍କ ନିକଟରେ ପହଞ୍ଚତ୍ ସେମାନଙ୍କ ଦାବିପତ୍ର ନେଇଥିବା ବେଳେ ଅନ୍ୟାନ୍ୟ କୌଣସି ପ୍ରଶାସନିକ ଅଧିକାରୀ ସେମାନଙ୍କ ନିକଟରେ ପହଞ୍ଚତ୍ ନ ଥିବା ସୂଚନା ମିଳିଛି। ତେବେ ଏଥର ପ୍ରତିଶ୍ରୁତି ନୁହେଁ ା ଦରମା ନ ମିଳିବା ପର୍ଯ୍ୟନ୍ତ ଏହି ଅନଶନ ଚାଲିବ ବୋଲି କର୍ମଚାରୀମାନେ ସଫାସଫା କହିଛନ୍ତି।