ଉସଲାମାବାଦ,୨୮।୨ : ଅର୍ଥ ହେରଫେର ମାମଲାରେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ବିରୋଧରେ ଏକ ପାକିସ୍ତାନୀ କୋର୍ଟ ଜାମିନ ବିହୀନ ୱାରେଣ୍ଟ ଜାରି କରିଛନ୍ତି। ଅପରପକ୍ଷରେ ଅନ୍ୟ ଦୁଇଟି ମାମଲାରେ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି। ଏହି ସମୟରେ ପୂର୍ବତନ ପ୍ରଧାନମନ୍ତ୍ରୀଙ୍କ ଶତାଧିକ ସମର୍ଥକ ସେମାନଙ୍କ ନେତାଙ୍କୁ ସମର୍ଥନ କରି କୋର୍ଟ ପରିସର ବାହାରେ ହଙ୍ଗାମା ସୃଷ୍ଟି କରିଥିଲେ।
ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ର ମୁଖ୍ୟ ଥିବା ଇମ୍ରାନ ଲାହୋରର ଜମାନ ପାର୍କ ବାସଭବନରୁ ଇସଲାମାବାଦ ଯାତ୍ରା କରିଥିଲେ ଏବଂ ତିନୋଟି ମାମଲାରେ ଫେଡେରାଲ ଇନଭେଷ୍ଟିଗେଶନ ଏଜେନ୍ସି କୋର୍ଟରେ ହାଜର ହୋଇଥିଲେ। ଅର୍ଥ ହେରଫେର ମାମଲାରେ ଇମ୍ରାନଙ୍କ ବିରୋଧରେ ଅତିରିକ୍ତ ସେସନ୍ସ ଜଜ ଜାଫର ଇକବାଲ ଜାମିନ ବିହୀନ ଗିରଫ ପରୱାନା ଜାରି କରିଛନ୍ତି। କୋର୍ଟ ଜାମିନ ବିହୀନ ଗିରଫ ପରୱାନା ଜାରି କରିଛନ୍ତି ଏବଂ ସେ କୋର୍ଟରେ ହାଜର ହୋଇ ନ ଥିବାରୁ ମାର୍ଚ୍ଚ ୭ ପର୍ଯ୍ୟନ୍ତ ଶୁଣାଣି ସ୍ଥଗିତ ରଖିଛନ୍ତି।
ତାଙ୍କ ଅନୁପସ୍ଥିତି କାରଣରୁ ଏହି ମାମଲାରେ ତାଙ୍କ ଅଭିଯୋଗ ପୂର୍ବରୁ ଦୁଇଥର ସ୍ଥଗିତ ରଖାଯାଇଥିଲା।
ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଦାମୀ ଗ୍ରାଫ ହାତଘଣ୍ଟା ସମେତ ଉପହାର କିଣିବା ନେଇ ବିବାଦ ଘେରରେ ରହିଛନ୍ତି, ଯାହାକୁ ସେ ତୋସାଖାନା ନାମକ ଏକ ରାଜ୍ୟ ଜମା ବିଭାଗଠାରୁ ରିହାତି ମୂଲ୍ୟରେ ପ୍ରଧାନମନ୍ତ୍ରୀ ଭାବରେ ଗ୍ରହଣ କରିଥିଲେ ଏବଂ ଲାଭରେ ବିକ୍ରି କରିଥିଲେ।