ଚଣ୍ଡିଗଡ, ୨୩।୩: ପଳାତକ ଖଲିସ୍ତାନୀ ସମର୍ଥକ ତଥା ଓ୍ବାରିସ୍ ପଞ୍ଜାବ ଡେ’ ମୁଖ୍ୟ ଅମ୍ରିତ୍ପାଲ ସିଂଙ୍କ ବିରୋଧରେ ପଞ୍ଜାବ ପୋଲିସ ବୁଧବାର ଲକୁ୍ଆଉଟ୍ ସର୍କୁଲାର (ଏଲ୍ଓସି) ଏବଂ ଜାମିନବିହୀନ ଗିରଫ ପରଓ୍ବାନା ଜାରି କରିଛି। ଅଦ୍ୟାବଧି ଅମ୍ରିତପାଲ୍ଙ୍କୁ ଗିରଫ କରାଯାଇ ନ ଥିବା ପୋଲିସ ଆଇଜି ସୁଖଚେନ ସିଂ ଗିଲ୍ ଖବରଦାତା ସମ୍ମିଳନୀରେ କହିଛନ୍ତି। ଅନ୍ୟପେକ୍ଷ ଅମ୍ରିତ୍ପାଲ ପୋଲିସକୁ ବାଟବଣା କରିବା ପାଇଁ ଲଗାତର ନିଜ ବେଶଭୂଷା ପରିବର୍ତ୍ତନ କରୁଥିବା ପୋଲିସ ଅଭିଯୋଗ ଆଣିଥିବାବେଳେ ଏ ନେଇ କିଛି ଫଟୋ ମଧ୍ୟ ଜାରି କରିଛି। ଉଲ୍ଲେଖଯୋଗ୍ୟ, ଜଲନ୍ଧର ଜିଲା ଗୁରୁଦ୍ୱାରରେ ଅମ୍ରିତ୍ପାଲ କପଡ଼ା ବଦଳାଯାଇ ଏକ ମୋଟରସାଇକେଲ୍ରେ ଯାଉଥିବାର ଭିଡିଓ ପୋଲିସର ହସ୍ତଗତ ହୋଇଛି।
ଅନ୍ୟପକ୍ଷେ ବୁଧବାର ପଞ୍ଜାବ ପୋଲିସ କଲୁପୁର ଖେଳାସ୍ଥିତ ଅମ୍ରିତ୍ପାଲ୍ଙ୍କ ଘରେ ତାଙ୍କ ସ୍ତ୍ରୀ କିରନଦୀପ କୌର ଏବଂ ମା’ ବଲଓ୍ବିନ୍ଦର କୌରଙ୍କୁ ପଚରାଉଚରା କରିଛି। ଫେବୃୟାରୀ ୧୦ରେ ଅମ୍ରିତପାଲ୍ ବ୍ରିଟେନ୍ର କିରନଦୀପଙ୍କୁ ବିବାହ କରିଛନ୍ତି। ଅମ୍ରିତପାଲ୍ଙ୍କୁ ସମର୍ଥନ କରୁଥିବା ୧୫୦ ସହଯୋଗୀଙ୍କୁ ପଞ୍ଜାବ ପୋଲିସ ଗିରଫ କରିଥିବାବେଳେ ଶିରୋମଣି ଅକାଳୀ ଦଳ ନେତା ସୁଖବିନ୍ଦର ସିଂ ବାଦଲ ସେମାନଙ୍କୁ ନ୍ୟାୟିକ ସହଯୋଗ ଯୋଗାଇବା ସହ ଏ ନେଇ ଏକ ହେଲ୍ପ ଲାଇନ୍ ନମ୍ବର ଜାରି କରିଛନ୍ତି।