ନୂର ମୁକଦ୍ଦମ୍‌: ପୌରୁଷତ୍ୱର ପୁନର୍ବିଚାର

ଇସ୍‌ଲାମାବାଦ,୨୯ା୭ :ପାକିସ୍ତାନରେ ପ୍ରତ୍ୟହ ମହିଳା ବିରୋଧୀ ଅପରାଧ ସାମ୍ନାକୁ ଆସିଥାଏ। କିନ୍ତୁ ନୂର ମୁକଦ୍ଦମ୍‌ଙ୍କ ନୃଶଂସ ହତ୍ୟାର କାହାଣୀ କେବଳ ପାକିସ୍ତାନକୁ ଥରାଇ ଦେଇନାହିଁ, ବରଂ ସାରା ବିଶ୍ୱର ସଭ୍ୟ ସମାଜକୁ ବିଚଳିତ କରିଛି। ପୂର୍ବରୁ ଏଭଳି ହତ୍ୟାକାଣ୍ଡ କେବେ ଦେଖାଯାଇ ନ ଥିଲା। ସନ୍ଦିଗ୍ଧ ହତ୍ୟାକାରୀଙ୍କ ବିରୋଧରେ ଅଭିଯୋଗ ହେଉଛି ସେ ନୂରଙ୍କ ଗଳାକାଟି ମାରିଦେଇଛନ୍ତି। ଅଭିଯୁକ୍ତ ଜଣକ ତାଙ୍କ ସମ୍ପର୍କୀୟ ଏବଂ ଉଭୟେ ପରସ୍ପରକୁ ପିଲାବେଳୁ ଜାଣିଥିଲେ। ନୂରଙ୍କ ହତ୍ୟା ଭଳି ଏକ ଭୟଙ୍କର ମାମଲା ସାମ୍ନାକୁ ଆସିଲେ ଅନେକ ସମୟରେ ସମାଜ ସମ୍ପୃକ୍ତ ଅପରାଧୀଙ୍କୁ ଜଣେ ‘ସାଇକୋ’ (ମାନସିକ ବିକାରଗ୍ରସ୍ତ) କିମ୍ବା ‘ମୋନ୍‌ଷ୍ଟର’ (ରାକ୍ଷସ) ବୋଲି ଅଭିହିତ କରିଥାଏ। ଏଭଳି ବିଚାରଧାରା ଯୋଗୁ ସମାଜରେ ଘୃଣ୍ୟ ଅପରାଧ ବଢ଼ି ଚାଲିଛି। ନୂରଙ୍କ ହତ୍ୟା ପାଇଁ ସୃଷ୍ଟି ହୋଇଥିବା ସ୍ଥିତି ଲାଗି ସମାଜର ଏପରି ମାନସିକତା ହିଁ ଦାୟୀ ।

ପାକିସ୍ତାନୀ ଝିଅ ନୂର ମୁକଦ୍ଦମଙ୍କ ହତ୍ୟା ଅତ୍ୟନ୍ତ ଭୟଙ୍କର ହୋଇଥିଲେ ମଧ୍ୟ ଲୋକେ ଦୈନନ୍ଦିନ ଭିତ୍ତିରେ ଏଭଳି ଘଟଣା ସମ୍ପର୍କରେ ପଢ଼ି ଅଭ୍ୟସ୍ତ ହୋଇଗଲେଣି। ନୂରଙ୍କ ପୂର୍ବରୁ କୁର୍ତୁଲେନ୍‌, ତାଙ୍କ ପୂର୍ବରୁ ସୈମା ଏବଂ ସୈମାଙ୍କ ପୂର୍ବରୁ କ୍ରୋଧିତ ପୁରୁଷଙ୍କ ଦ୍ୱାରା ହତ୍ୟାର ଶିକାର ହୋଇଥିବା ଅଗଣିତ ମହିଳାଙ୍କ ମୁଣ୍ଡ ଗଡ଼ିଛି। ସେମାନେ ପ୍ରତିଦିନ ଖବରକାଗଜର ଶିରୋନାମା ସାଉଣ୍ଟିବାରେ ଲାଗିଛନ୍ତି। ଯେତେବେଳେ ବି ଏପରି ମାମଲା ସାମ୍ନାକୁ ଆସିଥାଏ, ଲୋକଙ୍କ ମଧ୍ୟରେ ଆକ୍ରୋଶ ଦେଖିବାକୁ ମିଳିଥାଏ। ହ୍ୟାଶ୍‌ଟ୍ୟାଗ୍‌ ଟ୍ରେଣ୍ଡ୍‌ କରିବାରେ ଲାଗିଥାଏ। ନାରୀବାଦୀ ବିଭିନ୍ନ ସହରରେ ବିକ୍ଷୋଭ ଶୋଭାଯାତ୍ରା ଆୟୋଜନ କରିଥାଆନ୍ତି। ଅନେକେ ହତ୍ୟାକାରୀଙ୍କୁ ସର୍ବସାଧାରଣରେ ଫାଶୀଖୁଣ୍ଟରେ ଝୁଲାଇବା ପାଇଁ ଦାବି କରୁଥିବାବେଳେ ଉଦାରବାଦୀ ଓ ପ୍ରଗତିଶୀଳ ବ୍ୟକ୍ତିମାନେ ମହିଳାଙ୍କ ସୁରକ୍ଷା ଲାଗି କଠୋରରୁ କଠୋର ଆଇନ ପ୍ରଣୟନ ପାଇଁ ଓକିଲାତି କରନ୍ତି। କିଛି ଦିନ ପରେ ସେହି ଜନାକ୍ରୋଶ ପୁଣି ନରମ ପଡ଼ିଯାଏ। ଲୋକେ ନିଜ ନିଜ କାମରେ ଲାଗିଯାଆନ୍ତି ପୁଣି ଏକ ଅନୁରୂପ ଘଟଣା ସାମ୍ନାକୁ ଆସିବା ଯାଏ, ଆଉ ଜଣେ ମହିଳା ହତ୍ୟାର ଶିକାର ହେବା ପର୍ଯ୍ୟନ୍ତ।
ଏଭଳି ଘଟଣା ଘଟିଲେ ପ୍ରତି ଥର ମହିଳାମାନେ କ୍ଷୋଭ ଓ ନୈରାଶ୍ୟ ବ୍ୟକ୍ତ କରନ୍ତି। ସମାଜରେ ଲିଙ୍ଗଗତ ହିଂସା ବ୍ୟାପକ ହେବାରେ ଲାଗିଥିବାବେଳେ ସେମାନଙ୍କ ମଧ୍ୟରୁ କେତେଜଣ ଏଭଳି ଘଟଣାକୁ ଏକ ବ୍ୟତିକ୍ରମ ବୋଲି ଅଭିହିତ କରିଥାଆନ୍ତି। ଏହାକୁ ନେଇ ଅନେକ ପୁରୁଷ କହିଥାଆନ୍ତି, ‘ସବୁ ପୁରୁଷ ଏପରି ନୁହନ୍ତି’। ଏଭଳି ଯୁକ୍ତିକୁ ନେଇ ମହିଳାମାନଙ୍କଠାରେ କ୍ରୋଧ ବଢ଼ିଥାଏ। ସମାଜରେ ପୁରୁଷଙ୍କଠାରେ ଶାରୀରିକ, ମନସ୍ତାତ୍ତ୍ୱିକ ଓ ଆବେଗିକ ଏପରି କି ଆର୍ଥିକ କାରଣରୁ ହିଂସ୍ର ସଂସ୍କୃତି ବଢ଼ିବାରେ ଲାଗିଥିବା ମହିଳାମାନେ କହିଥାଆନ୍ତି। ଅନେକ ପୁରୁଷ ହତ୍ୟାକାରୀ କିମ୍ବା ବଳାତ୍କାରୀ ହୋଇ ନ ପାରନ୍ତି, କିନ୍ତୁ ଏହି ପ୍ରକାର ହିଂସ୍ର ଅପରାଧ ଘଟିଚାଲିବା ବ୍ୟବସ୍ଥାଗତ ସମସ୍ୟାର ଏକ ଅଂଶ ପାଲଟିଯାଇଛି। ଏହା ଏଭଳି ଏକ ପ୍ରସଙ୍ଗ, ଯାହାକୁ ଅଷ୍ଟ୍ରେଲୀୟ ସମାଜବିଜ୍ଞାନୀ ଆର୍‌.ଡବ୍ଲ୍ୟୁ କୋନ୍ନେଲ ପୌରୁଷତ୍ୱ ଚିନ୍ତାଧାରାର ‘ଜେଣ୍ଡର ଅର୍ଡର’ କହିଥାଆନ୍ତି। ତାଙ୍କ ମତରେ ପୌରୁଷତ୍ୱର ପୁନର୍ବିଚାର ଜରୁରୀ।
ପୁରୁଷ ସେମାନଙ୍କଠାରୁ ଅପେକ୍ଷାକୃତ ଦୁର୍ବଳ ମହିଳାମାନଙ୍କ ବିରୋଧରେ ଶାରୀରିକ ହିଂସା ଭିଆଉ ନ ଥିଲେ ହେଁ ଘଟିଚାଲିଥିବା ଘଟଣାଗୁଡ଼ିକର ସଂଖ୍ୟା ବି କମ୍‌ ନୁହେଁ। ଲିଙ୍ଗଗତ ସମାନତା ପାଇଁ କାର୍ଯ୍ୟ କରୁଥିବା ଜାତିସଂଘ ସଂସ୍ଥା ୟୁଏନ୍‌ ଓମେନ୍‌ ଅନୁସାରେ ପାକିସ୍ତାନର ଏକଚତୁର୍ଥାଂଶ ମହିଳା ନିଜ ଜୀବନକାଳ ମଧ୍ୟରେ ସାଥୀଙ୍କଠାରୁ ଶାରୀରିକ କିମ୍ବା ଯୌନଗତ ଉତ୍ପୀଡ଼ନର ଶିକାର ହୋଇଥାନ୍ତି। ୟୁରୋପୀୟ ତଥା ଉତ୍ତର ଆମେରିକୀୟ ରାଷ୍ଟ୍ରଗୁଡ଼ିକ ତୁଳନାରେ ଏହା କମ୍‌ ବୋଲି ଅନେକ ପାକିସ୍ତାନୀ ପୁରୁଷ ସଗର୍ବେ କହିଥାନ୍ତି। ଅନେକ ସମୟରେ ଭୟ ଓ ଲୋକଲଜ୍ଜା ଯୋଗୁ ଏଭଳି ଘଟଣା ଲୋକଲୋଚନକୁ ଆସି ନ ଥାଏ। ଏପରି କି ଅନେକ ମହିଳା ନିଜ ସ୍ବାମୀ କିମ୍ବା ପରିବାରର ପୁରୁଷ ସଦସ୍ୟଙ୍କ ଦ୍ୱାରା ଘଟାଯାଉଥିବା ଏପରି ହିଂସାକୁ ସହି ସହି ଅଭ୍ୟସ୍ତ ହୋଇଗଲେଣି। ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଯୁକ୍ତି ବାଢ଼ନ୍ତି, ମହିଳାମାନଙ୍କ ପରିଧାନ ତଥା ଚାଲିଚଳଣ ଯୋଗୁ ପୁରୁଷମାନେ ବଳାତ୍କାର ଓ ହିଂସା ଭିଆଇବା ପାଇଁ ପ୍ରେରିତ ହୁଅନ୍ତି। ଇମ୍ରାନ୍‌ଙ୍କ ଏହି ଯୁକ୍ତି ପ୍ରତିବାଦରେ ଦେଶର ମହିଳାମାନେ ରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ ଜାରି ରଖିଛନ୍ତି।

ମାମଲା କ’ଣ?

୨୭ ବର୍ଷୀୟା ନୂର ପାକିସ୍ତାନର ପୂର୍ବତନ କୂଟନୀତିଜ୍ଞ ଶୌକତ ମୁକଦ୍ଦମ୍‌ଙ୍କ ଝିଅ। ଜୁଲାଇ ୨୦ ତାରିଖରେ ରାଜଧାନୀ ଇସ୍‌ଲାମାବାଦର କଡ଼ାସ୍ଥିତ ପୋଶ୍‌ ଏଫ୍‌-୭ ଏରିଆର କୋହସାର ଥାନାକୁ ଜଣେ ସ୍ଥାନୀୟ ଯୁବକଙ୍କ ଫୋନ୍‌ ଆସିଥିଲା। ଫୋନ୍‌ କରିଥିବା ବ୍ୟକ୍ତି ଜଣକ ପୋଲିସକୁ ଅପରାଧ ଓ ଘଟଣାସ୍ଥଳ ସମ୍ପର୍କରେ କହିଥିଲେ। ପୋଲିସ ସେଠାରେ ପହଞ୍ଚତ୍ ଦେଖିବାକୁ ପାଇଥିଲା ଯେ, କେତେଜଣ ଲୋକ ସନ୍ଦିଗ୍ଧ ଜାହିର ଜାକିର ଜାଫରଙ୍କୁ ଦଉଡ଼ିରେ ବାନ୍ଧି ରଖିଛନ୍ତି। ନୂରଙ୍କୁ ଅଭିଯୁକ୍ତ ହତ୍ୟା କରିବା ପରେ ସେହି ଲୋକମାନଙ୍କ ଉପରେ ମଧ୍ୟ ଆକ୍ରମଣ କରିଥିଲେ। ନୂରଙ୍କ ବାପା ଶୌକତ ମୁକଦ୍ଦମ୍‌ ଓ ତାଙ୍କ ସ୍ତ୍ରୀଙ୍କ ଅଭିଯୋଗକ୍ରମେ ମାମଲା ଦାଏର ହୋଇଛି। ସେମାନଙ୍କ କହିବା ହେଲା, ଝିଅ ନୂରଙ୍କୁ ଜୁଲାଇ ୧୯ ରାତିରେ ହିଁ ଅପହରଣ କରାଯାଇଥିଲା। ଇଦ୍‌ ପାଇଁ କିଣାକିଣି କରି ଘରକୁ ଫେରିବା ପରେ ଝିଅ ନ ଥିବା ଦେଖି ମୁକଦ୍ଦମ୍‌ ଦମ୍ପତି ତାଙ୍କୁ ଫୋନ୍‌ କରିଥିଲେ। କିନ୍ତୁ ଫୋନ୍‌ ସୁଇଚ୍‌ ଅଫ୍‌ ଥିଲା। କିଛି ସମୟ ପରେ ନୂର ନିଜ ମାତାପିତାଙ୍କୁ ଫୋନ୍‌ କରି କହିଥିଲେ, ସେ କେତେଜଣ ସାଙ୍ଗଙ୍କ ସହ ଲାହୋର ଯାଉଛନ୍ତି। ଦିନେ ଦୁଇଦିନ ଭିତରେ ଫେରିବେ। ନୂରଙ୍କ ବାପାଙ୍କ ପାଖକୁ ପରଦିନ ଅପରାହ୍ନରେ ଏକ ଫୋନ୍‌ କଲ୍‌ ଆସିଥିଲା। ତାହା ଜାହିର ଜାକିର ଜାଫରଙ୍କଠାରୁ ଆସିଥିଲା। ଜାହିରଙ୍କ ପରିବାରକୁ ଶୌକତ ବହୁ ପୂର୍ବରୁ ଜାଣିଥିଲେ। ଜାହିର ତାଙ୍କ ସହ ନୂର ନ ଥିବା କହିଥିଲେ। କିଛି ଘଣ୍ଟା ପରେ ଶୌକତଙ୍କ ଘର ନିକଟ କୋହସାର ଥାନାରୁ ଫୋନ୍‌ ଆସିଥିଲା। ପୋଲିସ କହିଥିଲା, ଆପଣଙ୍କ ଝିଅଙ୍କୁ ହତ୍ୟା କରାଯାଇଛି। ହତ୍ୟା କରାଯାଇଥିବା ସ୍ଥାନକୁ ପୋଲିସ ଶୌକତଙ୍କୁ ନେଇଯାଇଥିଲା। ସେଠାରେ ନୂରଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିବା ଦେଖିବାକୁ ପାଇଥିଲେ। ମୃତଦେହଠାରୁ ବିଚ୍ଛିନ୍ନ ହୋଇ ଗଡ଼ୁଥିଲା ନୂରଙ୍କ ମୁଣ୍ଡ।

ଜାହିର କିଏ?

ଜାହିର ଜାକିର ଜାଫର ହେଉଛନ୍ତି ଜଣାଶୁଣା ବ୍ୟବସାୟୀ ଜାକିର ଜାଫର ଓ ଅସ୍ମତ ଆଦମଜୀ ଜାଫରଙ୍କ ପୁଅ। ପାର୍ଟିଗୁଡ଼ିକରେ ସାମିଲ ହେଉଥିବା ଜଣେ ସୋସିଆଲାଇଟ୍‌ ଭାବେ ଲୋକେ ତାଙ୍କୁ ଜାଣନ୍ତି। ଜାହିର ବାପାଙ୍କ କନ୍‌ଷ୍ଟ୍ରକ୍‌ଶନ୍‌ କମ୍ପାନୀରେ ଡାଇରେକ୍ଟର ଭାବେ କାମ କରୁଥିଲେ। ସେ ନିଶାସକ୍ତ ଥିଲେ। ଇସ୍‌ଲାମାବାଦରେ ଥିବା ଥେରାପି ଓ୍ବାର୍କ୍ସ ନାମକ ଏକ ଡ୍ରଗ୍ସ ରିହାବିଲିଟେଶନ୍‌ ସେଣ୍ଟରରେ ତାଙ୍କର ଚିକିତ୍ସା ଚାଲିଥିଲା। ଇତିମଧ୍ୟରେ ଜାହିରଙ୍କ ମା’ବାପାଙ୍କୁ ମଧ୍ୟ ପୋଲିସ ହାତକୁ ନେଇଛି। ଦୁହେଁ ଏହି ଅପରାଧରେ ପୁଅଙ୍କୁ ସହଯୋଗ କରିଥିବା କୁହାଯାଉଛି। ପୁଅର ଏହି କାଣ୍ଡ ସମ୍ପର୍କରେ ଜାଣିବା ପରେ ଉଭୟେ ତାଙ୍କୁ ବଞ୍ଚାଇବା ପାଇଁ ଥେରାପି ଚିକିତ୍ସା କେନ୍ଦ୍ରକୁ ଫୋନ୍‌ କରି ଅପରାଧ ଲୁଚାଇବାକୁ ଉଦ୍ୟମ କରିଥିଲେ। ଏପରି କି ପୁଅଙ୍କ ମାନସିକ ସ୍ଥିତି ଠିକ୍‌ ନ ଥିବା ସେମାନେ ବାହାନା କରିଥିଲେ।


Enter your email to get our daily news in your inbox.

All Right Reserved By Dharitri.Com

ହସିନାଙ୍କୁ ମାଗୁଛି ବାଂଲାଦେଶ, ହେଲେ ୟୁନୁସ ସରକାର କରିଦେଲେ ଏମିତି ଭୁଲ, ଏବେ ଭାରତ କ’ଣ କରିବ ଜାଣନ୍ତୁ

ଢାକା/ନୂଆଦିଲ୍ଲୀ,୩।୧: ବାଂଲାଦେଶ ବାରମ୍ବାର ଶେଖ ହସିନାଙ୍କ ପ୍ରତ୍ୟର୍ପଣ ଦାବି କରୁଛି। ସେ ଭାରତକୁ ନିବେଦନ କରିଛି। ଏବେ ପ୍ରଶ୍ନ ହେଉଛି ଭାରତ ଶେଖ ହସିନାଙ୍କୁ ହସ୍ତାନ୍ତର...

ସିରିଆ ଉପରେ ଇସ୍ରାଏଲର ବଡ଼ ଆକ୍ରମଣ

ତେଲ ଅଭିଭ,୩।୧: ଗୁରୁବାର ରାତିରେ ଇସ୍ରାଏଲ ସିରିଆର ଅଲେପ୍ପୋ ସହରର ଦକ୍ଷିଣ ଅଞ୍ଚଳରେ ଅବସ୍ଥିତ ସିରିଆ ସେନା ଶିବିର ଉପରକୁ ବୋମା ମାଡ଼ କରିଥିଲା। ସିରିଆ...

‘ଘରେ ପଶି ମାରୁଛି ଭାରତ’, ପାକିସ୍ତାନ ଲଗାଉଛି ଅଜବ ଅଭିଯୋଗ

ଇସଲାମାବାଦ/ନୂଆଦିଲ୍ଲୀ,୩।୧: ସବୁଥର ପରି ଏଥର ମଧ୍ୟ ପାକିସ୍ତାନ ଭାରତକୁ ଭୟ କରୁଛି। ଏଥର ସେ ନିଜେ ଏହାକୁ ଗ୍ରହଣ କରିଛି। ସୂଚନାଯୋଗ୍ୟ, ପାକିସ୍ତାନ ବୈଦେଶିକ ମନ୍ତ୍ରଣାଳୟ...

ବାଇଡେନଙ୍କ ସ୍ତ୍ରୀଙ୍କୁ ଦାମୀ ଉପହାର ଦେଇଥିଲେ ମୋଦି: ଦାମ୍‌ ଜାଣିଲେ ଉଡିଯିବ ହୋଶ୍‌

ଓ୍ବାଶିଂଟନ୍‌,୩।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୨୩ରେ ଆମେରିକାର ପ୍ରଥମ ଲେଡି ଜିଲ ବିଡେନଙ୍କୁ ୧୭ ଲକ୍ଷ ଟଙ୍କା ମୂଲ୍ୟର ହୀରା ଉପହାର ଦେଇଥିଲେ। ମୋଦିଙ୍କ ଏହି...

ବିଲ୍ଡିଂରେ ମାଡ଼ ହୋଇ କ୍ରାଶ୍‌ ହେଲା ବିମାନ: ୨ ମୃତ, ୧୮ ଆହତ

କାଲିଫର୍ନିଆ,୩।୧: ଆମେରିକାର ଦକ୍ଷିଣ କାଲିଫର୍ନିଆରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଦକ୍ଷିଣ କାଲିଫର୍ନିଆର ଏକ ବ୍ୟବସାୟିକ ବିଲ୍ଡିଂରେ ବିମାନ ମାଡ଼ ହୋଇ କ୍ରାଶ୍‌ ହୋଇଛି। ଏହି...

ହସ୍ପିଟାଲ୍‌ରେ ଭିଡ଼,ଶ୍ମଶାନଘାଟରେ ନାହିଁ ଜାଗା: କରୋନା ପରେ ଚାଇନାରେ ବ୍ୟାପୁଛି ଆଉ ଏକ ବିପଜ୍ଜନକ ଭାଇରସ୍‌

ବେଜିଂ,୩।୧:୨୦୨୦ରେ ବିଶ୍ୱକୁ ଆସିଥିବା କରୋନା ମହାମାରୀ ପରେ ଚାଇନାରେ ଆଉ ଏକ ବିପଜ୍ଜନକ ଭାଇରସ୍‌ ମାଡ଼ିବାରେ ଲାଗିଛି। ହ୍ୟୁମାନ୍‌ ମେଟାନ୍ୟୁମୋଭାଇରସ (ଏଚ୍‌ଏମ୍‌ପିଭି)ଦ୍ରୁତ ଗତିରେ ବ୍ୟାପିବାରେ ଲାଗିଛି।...

ବିବାଦ ମଧ୍ୟରେ ବଡ଼ ନିଷ୍ପତ୍ତି ନେଲେ ଭାରତ-ବାଂଲାଦେଶ, ଜଣେ ଅନ୍ୟଦେଶକୁ…

ଢାକା/ନୂଆଦିଲ୍ଲୀ,୩।୧: ଭାରତ ଗୁରୁବାର ୯୦ ବାଂଲାଦେଶୀ ମତ୍ସ୍ୟଜୀବୀଙ୍କୁ ମୁକ୍ତ କରିବାକୁ ନିଷ୍ପତ୍ତି ନେଇଛି। ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ଏକ ପ୍ରେସ ବିଜ୍ଞପ୍ତି ଜାରି କରାଯାଇଛି...

ନୂଆବର୍ଷ ଆରମ୍ଭରେ ଆମେରିକାରେ ଖେଳିଗଲା ଆତଙ୍କ

ନ୍ୟୁଅର୍ଲିନ୍ସ/ଲାସ୍‌ଭେଗାସ୍‌/ଓ୍ବାଶିଂଟନ୍‌,୩ା୧:୨୦୨୫ ଜାନୁଆରୀ ୧ ସମୟ ଭୋର ୩ଟା ୧୫। ନବବର୍ଷ ପାଳନରେ ଆମେରିକୀୟମାନେ ମସ୍‌ଗୁଲ ଥିବାବେଳେ ନ୍ୟୁଅର୍ଲିନ୍ସର ବରବୋନ୍‌ ରାସ୍ତା ଉପରେ ଦ୍ରୁତଗତିରେ ମାଡ଼ିଆସିଥିଲା ଏକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri