ମୁମ୍ବାଇ: ମହାଠକ ସୁକେଶ ଚନ୍ଦ୍ରଶେଖରଙ୍କ ୨୦୦ କୋଟି ଠକେଇ ମାମଲା ଯୋଗୁ ଏବେ ବଲିଉଡରେ ଦୁଇଜଣ ବଡ ଷ୍ଟାରଙ୍କ ମଧ୍ୟରେ ତୁତୁମେମେ ଆରମ୍ଭ ହୋଇଛି । ଏବେ ବଲିଉଡ ଡ୍ୟାନ୍ସିଂ ଷ୍ଟାର ନୋରା ଫତେହି ଅଭିନେତ୍ରୀ ଜ୍ୟାକଲିନଙ୍କ ନାଁରେ ମାନହାନି ମାମଲା କରିଛନ୍ତି । ଏବେ ନୋରାଙ୍କ ଅଭିଯୋଗ କ୍ରମେ ଦିଲ୍ଲୀର ପଟିଆଲା ହାଉସ କୋର୍ଟରେ ଏହି ମାମଲାର ଶୁଣାଣି ହେବ ।
ସମାଚାର ଏଜେନ୍ସି ଏଏନଆଇର ରିପୋର୍ଟ ଅନୁଯାୟୀ, ନୋରାଙ୍କ ଅଭିଯୋଗ କ୍ରମେ ଏହି ମାମଲାର ଶୁଣାଣି ଦିଲ୍ଲୀର ପଟିଆଲା ହାଉସ କୋର୍ଟରେ ମାର୍ଚ୍ଚ ୨୫ରେ ହେବ ବୋଲି ଜଣାପଡିଛି । ନୋରା ନିକଟରେ ଦିଲ୍ଲୀର ଏହି କୋର୍ଟରେ ବଲିଉଡ ଜଗତର ଆଗଧାଡିର ନାୟିକା ଜ୍ୟାକଲିନ ଫର୍ନାଡିଜ ଓ କିଛି ମିଡିଆ ସଂଗଠନ ବିରୋଧରେ ମାନହାନି ମାମଲା ଦାୟର କରିଛନ୍ତି । ଏବେ ଏହି ମାମଲାର ଆଗାମୀ ଶୁଣାଣି ଉପରେ ସମସ୍ତଙ୍କ ନଜର ରହିଛି । ଏହା ପୂର୍ବରୁ ଠକ ସୁକେଶ ଚନ୍ଦ୍ରଶେଖର ମନି ଲଣ୍ଡରିଂ ମାମଲାକୁ ନେଇ ନୋରା ଫତେହି ଓ ଜ୍ୟାକଲିନ ଫର୍ନାଡିଜଙ୍କୁ ନେଇ ଖୁବ ଚର୍ଚ୍ଚାରେ ଥିଲେ ।
ଏବେ ନୋରାଙ୍କ ଏହି ଅଭିଯୋଗ ପରେ ଜ୍ୟାକଲିନ କ’ଣ ପଦକ୍ଷେପ ନେଉଛନ୍ତି ତାକୁ ସମସ୍ତଙ୍କ ଅପେକ୍ଷା ରହିଛି । ଏହାପୂର୍ବରୁ ଅଭିନେତ୍ରୀ ଜ୍ୟାକଲିନଙ୍କ ଓକିଲ ପ୍ରଶାନ୍ତ ପାଟିଲ କହିଥିଲେ ନୋରା କୌଣସି କଥାକୁ ଭୁଲ ବୁଝିଛନ୍ତି । ସେ ଆହୁରି ମଧ୍ୟ କହିଥିଲେ ସମସ୍ତ ଅଭିଯୋଗ ଭିତ୍ତିହିନ । କେବଳ ଏତିକି ନୁହେଁ ଜ୍ୟାକଲିନଙ୍କ ଓକିଲ ଆହୁରି ମଧ୍ୟ କହିଥିଲେ ଆବଶ୍ୟକ ପଡିଲେ ଜ୍ୟାକଲିନ ନୋରାଙ୍କ ବିରୋଧରେ ମାନହାନି ମାମଲା କରିପାରନ୍ତି ।