ଜେଲ୍ ବିଷୟରେ ଶୁଣିଲେ ଲୋକଙ୍କ ଦେହରୁ ଝାଳ ବାହାରିବା ଆରମ୍ଭ ହୁଏ। ଲୋକେ ଏହାକୁ ଏକ କାଳ କୋଠରି ଭାବି ନିଅନ୍ତି। ତେବେ ସୋସିଆଲ ମିଡିଆରେ ଜେଲ୍ର ଏପରି କିଛି ଫଟୋ ଭାଇରାଲ ହେବାରେ ଲାଗିଛି, ଯାହାକୁ ଦେଖିଲେ ଏହା ଜେଲ୍, ଘର କିମ୍ବା ହୋଟେଲ ବୋଲି ଭାବିବା କଷ୍ଟକର ହେବ।
ଜଣେ ସୋସିଆଲ ମିଡିଆ ୟୁଜର ‘@ ଆଇଡୋ ଦ ଥିଙ୍କିଂ’ ଜେଲର ଏକ ଫଟୋ ଶେୟାର କରି କହିଛନ୍ତି, ଏହା ନର୍ଡିକ ଜେଲ୍ ସେଲର ଫଟୋ, ଯାହା ସାନଫ୍ରାନ୍ସିସ୍କୋରେ ଏକ ଭଡାଘର ପରି ଦେଖାଯାଉଛି। ଏହିପରି ରୁମ୍ ଥିବା ଘରର ଭଡା ମାସକୁ ୩ ହଜାର ଡଲାର ପର୍ଯ୍ୟନ୍ତ।
ଡେନ୍ମାର୍କ, ନରୱେ, ସ୍ବିଡେନ, ଫିନ୍ଲାଣ୍ଡ ପରି ଆଇଲାଣ୍ଡ ନର୍ଡିକ ଅଧୀନରେ ଆସେ। ହୋଟେଲ ପରି ରୁମ୍ ସହିତ ଏହି ଜେଲ୍ର ଫଟୋକୁ ୨୦ ହଜାରରୁ ଅଧିକ ଥର ରିଟୱିଟ କରାଯାଇଥିବା ବେଳେ ପ୍ରାୟ ୨ ଲକ୍ଷ ଲୋକେ ଲାଇକ୍ କରିଛନ୍ତି।
ସୋସିଆଲ ମିଡିଆରେ କିଛି ଲୋକ ଏହି ଜେଲର ଚମତ୍କାର ରୁମ୍କୁ ପ୍ରଶଂସା କରିଥିବାବେଳେ କିଛି ଲୋକ ସମାଲୋଚନା କରି ଲେଖିଛନ୍ତି, ଯଦି ଜେଲରେ ଏତେ ସୁବିଧା ହେବ ତେବେ ତାହା ଜେଲ କିପରି?