ସିଓଲ,୧୨।୯: ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ସାକ୍ଷାତ କରିବାକୁ ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋନ ଉନ ମଙ୍ଗଳବାର ସ୍ପେଶାଲ ଟ୍ରେନ ଯୋଗେ ରୁଷିଆରେ ପହଞ୍ଚିଛନ୍ତି। ଏକ ସଂକ୍ଷିପ୍ତ ବୈଠକରେ ଦକ୍ଷିଣ କୋରିଆ ସେନା ଏହି ସୂଚନା ଦେଇଛି। ଆମେରିକାର ଅଧିକାରୀଙ୍କ ସୂଚନା ଅନୁଯାୟୀ, ରୁଷିଆର ରାଷ୍ଟ୍ରପତି ପୁଟିନ ୟୁକ୍ରେନ ବିରୋଧରେ ଯୁଦ୍ଧ ପାଇଁ ଉତ୍ତର କୋରିଆରୁ ଅସ୍ତ୍ରଶସ୍ତ୍ର ମାଗିପାରନ୍ତି।
ନ୍ୟୁଜ ଏଜେନ୍ସିି ଏପି ଅନୁଯାୟୀ ଉତ୍ତର କୋରିଆର ଅଫିସିଆଲ ନ୍ୟୁଜ ଏଜେନ୍ସି କହିଛି ଯେ କିମ ରବିବାର ଅପରାହ୍ନରେ ରାଜଧାନୀ ପ୍ୟୋଙ୍ଗୟାଙ୍ଗରୁ ତାଙ୍କ ସ୍ବତନ୍ତ୍ର ଟ୍ରେନରେ ରୁଷିଆ ଅଭିମୁଖେ ଯାତ୍ରା କରିଛନ୍ତି। କିମଙ୍କ ସହିତ ଦେଶର ଶାସକ ଦଳ, ସରକାର ଏବଂ ସେନାର ତେତେଜଣ ସଦସ୍ୟ ମଧ୍ୟ ରହିଛନ୍ତି।
ଦକ୍ଷିଣ କୋରିଆର ପ୍ରତିରକ୍ଷା ମନ୍ତ୍ରଣାଳୟର ମୁଖପାତ୍ର ଜିଓ ହା ଗ୍ୟୁ ମଙ୍ଗଳବାର ଏକ ସଂକ୍ଷିପ୍ତ ବୈଠକରେ କହିଛନ୍ତି ଯେ କିମଙ୍କ ଟ୍ରେନ ମଙ୍ଗଳବାର ରୁଷିଆରେ ପ୍ରବେଶ କରିଛି। ସେନା କିପରି ଏହି ସୂଚନା ପାଇଲା ସେ କହି ନାହାଁନ୍ତି।
କିମଙ୍କ ପ୍ରତିନିଧିମଣ୍ଡଳୀରେ ତାଙ୍କ ବୈଦେଶିକ ମନ୍ତ୍ରୀ ଚୋ ସନ ହୁଇ ଏବଂ କୋରିଆର ପିପୁଲ୍ସ ଆର୍ମି ମାର୍ଶଲ ରି ପ୍ୟୋଙ୍ଗ ଚୋଲ ଏବଂ ପାକ ଜୋଙ୍ଗ ଚୋନଙ୍କ ସମେତ ତାଙ୍କର ବରିଷ୍ଠ ସେନାମାନେ ସାମିଲ ଅଛନ୍ତି। ଜାପାନର ବ୍ରଡକାଷ୍ଟର ଟିବିଏସ, ନାମିତ ରୁଷିଆର ଆଞ୍ଚଳିକ ଅଧିକାରୀଙ୍କ ଉଦ୍ଦେଶ୍ୟରେ କହିଛନ୍ତି କିମଙ୍କ ଟ୍ରେନ ସୀମା ପାର ହୋଇ ଖାସାନ ସହରରେ ପହଞ୍ଚିଛି।
