ସିଓଲ,୮ା୯: ଉତ୍ତର କୋରିଆ ଶୁକ୍ରବାର କହିଛି, ଏହା ପରମାଣୁ ଆକ୍ରମଣର ବୁଡ଼ାଜାହାଜ ନିର୍ମାଣ କରିଛି। ଯେଉଁଥିରେ ଏହା ବର୍ଷ ବର୍ଷ ଧରି କାର୍ଯ୍ୟ କରିଆସୁଛି। ଉତ୍ତର କୋରିଆ ରାଷ୍ଟ୍ରପତି କିମ୍ ଜୋଙ୍ଗ ଉନ୍ ଏହି ପଦକ୍ଷେପକୁ ପରମାଣୁ ସକ୍ଷମ ନୌସନା ନିର୍ମାଣ ପାଇଁ ଉଦ୍ୟମ ପାଇଁ ଗୁରୁତ୍ୱପୂର୍ଣ୍ଣ ବୋଲି ବର୍ଣ୍ଣନା କରିଛନ୍ତି, ଯାହାକୁ ସେ ଆମେରିକା ଏବଂ ଏହାର ଏସୀୟ ସହଯୋଗୀମାନଙ୍କୁ ପ୍ରତିହତ ପାଇଁ ବିକାଶ କରୁଛନ୍ତି ବୋଲି କହିଛନ୍ତି।
ଉତ୍ତର କୋରିଆର ଅଫିସିଆଲ କୋରିଆ ସେଣ୍ଟ୍ରାଲ ନ୍ୟୁଜ ଏଜେନ୍ସି (କେସିଏନ୍ଏ) କହିଛି, ‘ହିରୋ କିମ୍ କୁନ୍ ଓକ’ ନାମକ ଏହି ବୁଡ଼ାଜାହାଜଟି ଜଳରାଶିରୁ ଆଣବିକ ଅସ୍ତ୍ର ବ୍ୟବହାର କରିବା ପାଇଁ ଡିଜାଇନ କରାଯାଇଛି। ତେବ ଏହି ବୁଡ଼ାଜାହାଜ ଏହା କେତେ ପରିମାଣର କ୍ଷେପଣାସ୍ତ୍ର ବହନ କରିବ ଏବଂ ଗୁଳି ଚଳାଇବାରେ ସକ୍ଷମ ହେବ ସେନେଇ କୌଣସି ସ୍ପଷ୍ଟତା ମିଳିପାରିନାହିଁ।