ଟୋକିଓ,୨୭।୭: ଅଲିମ୍ପିକ ଗେମ୍ସରେ ପ୍ରତ୍ୟେକ ଆଥଲେଟ ନିଜର ଶତପ୍ରତିଶତ ଦେବାକୁ ଚାହଁାନ୍ତି। ନିଜ ଦେଶ ପାଇଁ ସ୍ବର୍ଣ୍ଣ ଜିତିବାକୁ ପ୍ରତ୍ୟେକ ଖେଳାଳି ସ୍ବପ୍ନ ଦେଖନ୍ତି। କିନ୍ତୁ ଏହି ପ୍ରତ୍ୟେକ ଖେଳରେ ଖେଳାଳିଙ୍କୁ କେବଳ ନିଜ ଖେଳକୁ ଶକ୍ତିଶାଳୀ କରିବାକୁ ପଡିବ ନାହିଁ, ତାଙ୍କୁ ମାନସିକ ଏବଂ ଶାରୀରିକ ଭାବେ ମଧ୍ୟ ଶକ୍ତିଶାଳୀ ରହିବାକୁ ପଡିବ। ଟୋକିଓ ଅଲିମ୍ପିକ୍ସର ଟ୍ରାଇଥଲନ ଗେମ୍ସରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଥିଲା, ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ନରୱେର ୨୭ ବର୍ଷିୟ କ୍ରିଷ୍ଟିଆନ ବ୍ଲୁମେନଫେଲ୍ଟ ତାଙ୍କ ଦେଶ ପାଇଁ ସ୍ବର୍ଣ୍ଣ ପଦକ ଜିତି ନିଜର ନିଷ୍ଠାର ଚମତ୍କାର ପ୍ରଦର୍ଶନ କରିଛନ୍ତି। ଅଲିମ୍ପିକ୍ପ ଆରମ୍ଭରୁ ସେ ସ୍ବର୍ଣ୍ଣ ଜିତିବେ ବୋଲି କେହି ଭାବି ନ ଥିଲେ। କିନ୍ତୁ ସେ ତାହା କରି ଦେଖାଇଛନ୍ତି। ପ୍ରତିଯୋଗୀ ଭାବରେ ବିବେଚିତ ହୋଇନଥିବା ବେଳେ ତାଙ୍କୁ ଭୁଲ ପ୍ରମାଣିତ କରାଯାଇଥିଲା।
ଟ୍ରାଇଥଲନରେ ୦.୯୩ ମାଇଲ ସନ୍ତରଣ, ୨୪.୮ ମାଇଲ ସାଇକେଲ ଚଲାଇବା ଏବଂ ୬.୨ ମାଇଲ ଦୌଡିବା ଥାଏ। ଏଥିରେ କ୍ରୀଷ୍ଟିଆନ ୧୦ କିଲୋମିଟର ଦୌଡ଼ରେ ଗ୍ରେଟ ବ୍ରିଟେନର ଆଲେକ୍ସ ୟେଙ୍କୁ ପରାସ୍ତ କରି ସଫଳତା ହାସଲ କରିଥିଲେ। ଏଥିସହିତ ପ୍ରବଳ ଉତ୍ତାପ ହେତୁ ତାଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଥିଲା, ତାଙ୍କ ଅବସ୍ଥା ଏତେ ଖରାପ ହୋଇଯାଇଥିଲା ଯେ ତାଙ୍କୁ ନେବା ପାଇଁ ହ୍ବିଲ ଚେୟାର ଆଣିବାକୁ ପଡିଥିଲା। ଏହା ସତ୍ତ୍ୱେ ସେ ହାର ମାନି ନ ଥିଲେ। ଯଦିଓ ଖ୍ରୀଷ୍ଟିଆନ ନିଶ୍ଚିତ ଥିଲେ ଯେ ତାଙ୍କୁ କେହି ହରାଇବେ ନାହିଁ, ସେ ଫାଇନ ଲାଇନ ପୂର୍ବରୁ ଖୁସିରେ ନାଚିଲେ, କିନ୍ତୁ ସେ ଫାଇନ ଲାଇନ ଅତିକ୍ରମ କଲାବେଳେ ସେ ତଳେ ପଡ଼ି ବାନ୍ତି କରିବା ଆରମ୍ଭ କଲେ। ମୁଁ ଅନେକ ବର୍ଷ ଧରି ଏହି ମୁହୂର୍ତ୍ତକୁ ଅପେକ୍ଷା କରିଥିଲି, ସ୍ବପ୍ନ ପୂରଣ କରିଥିବାରୁ ଗର୍ବିତ ବୋଲି ସେ କହିଛନ୍ତି।
