ବାଲେଶ୍ୱର ଅଫିସ,୧୧।୧: ବାଲେଶ୍ୱର ଜିଲାରେ ଡ଼ଲଫିନ ଗଣନା ଶେଷ ହୋଇଛି। ମାତ୍ର ଗୋଟିଏ ବି ଡଲଫିନର ସନ୍ଧାନ ମିଳି ନ ଥିବା ବାଲେଶ୍ୱର ଜିଲା ବନାଧିକାରୀ ବିମଳ ପ୍ରସାଦ ଆଚାର୍ଯ୍ୟ ସୂଚନା ଦେଇଛନ୍ତି। ପୂର୍ବରୁ ଏହି ଗଣନା କାର୍ଯ୍ୟ ପାଇଁ ଦୁଇଟି ଟିମକୁ ଆସିଷ୍ଟାଣ୍ଟ ପ୍ରଫେସର ଡ଼ ମୁନତାଜ ଖାଁନଙ୍କ ଦ୍ୱାରା ପ୍ରଶିକ୍ଷଣ ଦିଆଯାଇଥିଲା । ଗତ ଡିସେମ୍ବର ୧୭ ଓ ୧୮ ତାରିଖରେ ଏହି ଗଣତି ଶେଷ ହୋଇଛି।
ଜିଲାର ଚାନ୍ଦିପୁର, ଜଳେଶ୍ୱର ଏବଂ ନୀଳଗିରିର ତିନିଟି ରେଞ୍ଜ ତାଳସାରିଠାରୁ ଚୈମୁଖ ସୁବର୍ଣ୍ଣରେଖା ମୁହାଣ, ବଳରାମଗଡ଼ିଠାରୁ କାଶବାନସ ନଦୀ ମୁହାଣ ଏବଂ ବଳରାମଗଡ଼ିରୁ ଚୈମୁଖ ମୁହାଣ, ସାହୁପଡା ଠାରୁ ଖଣ୍ଡରପଡ଼ା ପର୍ଯ୍ୟନ୍ତ ଡଲଫିନର ସନ୍ଧାନ କରାଯାଇଥିଲା।
ହେଲେ ରିପୋର୍ଟରୁ ଯାହା ଜଣାପଡ଼ିଛି, ଗୋଟିଏ ବି ଡଲଫିନ୍ ଦେଖାମିଳିନାହିଁ। ତେବେ ଏହି ପ୍ରାଥମିକ ରିପୋର୍ଟକୁ ଭୁବନେଶ୍ୱର ଟିମ ଆଉ ଥରେ ତର୍ଜମା କରି ଫାଇନାଲ ରିପୋର୍ଟ ପ୍ରଦାନ କରିବ ବୋଲି ବନ ବିଭାଗ ପକ୍ଷରୁ କୁହାଇଛି। କିନ୍ତୁ ବାଲେଶ୍ୱର ରେଞ୍ଜରେ ଡଲଫିନ
ନାହିଁ ବୋଲି କୁହାଯାଇ ପାରିବ ନାହିଁ। କାରଣ ବିଗତ ବର୍ଷମାନଙ୍କର ଡଲଫିନ୍ର ରହିବାର ଦେଖାଯାଇଛି। କିଛି ମାସ ତଳେ ଚାନ୍ଦିପୁର ସମୁଦ୍ର ଓ ବାଲିଆପାଳ ଡଗରା ସମୁଦ୍ର କୂଳକୁ ଜୀବିତ ଅବସ୍ଥାରେ ଡଲଫିନ ଆସିଥିବାର ଦେଖା ଯାଇଥିଲା । ହେଲେ କୌଣସି କାରଣରୁ ଏହି ଡଲଫିନ୍ ମୃତ୍ୟୁ ହୋଇଯାଇଥିଲା ।