ଭୁବନେଶ୍ୱର,୨୧।୫: ଚଳିତ ନିର୍ବାଚନରେ ବିଜେଡିର ପ୍ରଚାର ମଙ୍ଗ ଏକପ୍ରକାର ସମ୍ଭାଳିଛନ୍ତି ୫ଟି ଅଧ୍ୟକ୍ଷ ଭି କେ ପାଣ୍ଡିଆନ। ଏଥିଲାଗି ବିରୋଧୀ ଦଳ ପକ୍ଷରୁ ତାଙ୍କୁ ପ୍ରାୟତଃ ଟାର୍ଗେଟ କରାଯାଉଛି। ଅନେକେ ତାଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉତ୍ତରାଧିକାରୀ ବୋଲି କହୁଛନ୍ତି। ଏନେଇ ପଚରାଯିବାରେ ନିଜକୁ ଜଣେ ସୈନିକ ବୋଲି କହିଛନ୍ତି ପାଣ୍ଡିଆନ।
ଏଏନ୍ଆଇକୁ ଦେଇଥିବା ସାକ୍ଷାତକାରରେ ପାଣ୍ଡିଆନ କହିଛନ୍ତି, ମୁଁ କେବଳ ଜଣେ ସୈନିକ ଭାବେ ନବୀନ ବାବୁଙ୍କୁ ସାହାଯ୍ୟ କରୁଛି। ବିଜୁ ବାବୁ କେବେ ବି ନବୀନ ବାବୁଙ୍କୁ ରାଜନୀତି ପାଠ ଶିଖାଇ ନ ଥିଲେ, କିମ୍ବା ତାଙ୍କୁ ପ୍ରସ୍ତୁତ କରି ନ ଥିଲେ। ନବୀନ ବାବୁ ବି କାହାକୁ ତାଙ୍କ ପଦାକୁ ଅନୁସରଣ କରିବାକୁ ଦେବେ ନାହିଁ। ସେ ହୃଦୟରୁ ଜଣେ ଗଣତାନ୍ତ୍ରିକ ବ୍ୟକ୍ତି ଏବଂ ଦଳକୁ ସେ ଜାଣନ୍ତି। ଓଡ଼ିଶାବାସୀଙ୍କ ପାଇଁ ଯାହା ଭଲ ତାହା ଓଡ଼ିଶାର ଲୋକେ ସ୍ଥିର କରିବେ ବୋଲି ସେ କହିଛନ୍ତି।