କୁଜଙ୍ଗ,୨୪ା୯(ଡି.ଏନ୍.ଏ.): ସାଗରମାଳା ପ୍ରକଳ୍ପ ଯୋଜନାରେ ନିର୍ମିତ ହେବାକୁ ଯାଉଥିବା ଉପକୂଳ ରାଜପଥ ୩(କ) ପାଇଁ କୁଜଙ୍ଗ ସୂଚନାକେନ୍ଦ୍ରରେ ଶୁକ୍ରବାର ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଶିବରରେ ପ୍ରକଳ୍ପ ପାଇଁ ଜମିହରାଇବାକୁ ଯାଉଥିବା କୁଜଙ୍ଗ ତହସିଲ ଅନ୍ତର୍ଗତ ୧୧ଟି ମୌଜା ଯଥା କୃଷ୍ଣଚନ୍ଦ୍ରପୁର, ସନ୍ତରା, ଦୁଆଡିଆ, ହସିଣା, ତାଳପଦା, ସମାଗୋଳ, ଘୋଡାମରା, ବଡଙ୍ଗ, ପାନପଲ୍ଲି, ବୌଳାଙ୍ଗ ଓ ଜାମୁକଣ ମୌଜାର ୧୦୧ ଜଣ ଜମି ମାଲିକ ଅଂଶଗ୍ରହଣ କରିଥିଲେ। ଏନେଇ ସମ୍ପୃକ୍ତ ଜମି ମାଲିକମାନେ ପୂର୍ବରୁ ଆବେଦନ କରିଥିଲେ।
ଏଥିରେ ପ୍ରକଳ୍ପ ପାଇଁ ଜମିହରାଇବାକୁ ଯାଉଥିବା କୁଜଙ୍ଗ ତହସିଲ ଅନ୍ତର୍ଗତ ୧୧ଟି ମୌଜା ଯଥା କୃଷ୍ଣଚନ୍ଦ୍ରପୁର, ସନ୍ତରା, ଦୁଆଡିଆ, ହସିଣା, ତାଳପଦା, ସମାଗୋଳ, ଘୋଡାମରା, ବଡ଼ଙ୍ଗ, ପାନପଲି, ବୌଳାଙ୍ଗ ଓ ଜାମୁକଣ ମୌଜାର ଜନସାଧାରଣ ଉପସ୍ଥିତ ରହି ବିଭିନ୍ନ ଅଭିଯୋଗ କରିଥିଲେ ା କୁଜଙ୍ଗ ତହସିଲଦାର ପ୍ରୀତିପର୍ଣ୍ଣା ମିଶ୍ର, ଜାତୀୟ ରାଜପଥ ପ୍ରାଧୀକରଣ ରାଜସ୍ବ ଅଧିକାରୀ ଶରତ ଚନ୍ଦ୍ର ସ୍ବାଇଁଙ୍କ ସମେତ ଅନ୍ୟ ଅଧିକାରୀମାନେ ଏହି ଅଭିଯୋଗଗୁଡ଼ିକୁ ଶୁଣିଥିଲେ। ଏହି ଅବସରରେ ବରିଷ୍ଠ ଶ୍ରମିକ ନେତା ନିର୍ଭୟ ସାମନ୍ତରାୟ କହିଥିଲେ, ସରକାର ପ୍ରକଳ୍ପ ପୂର୍ବରୁ ବିଭିନ୍ନ ମନଲୋଭା ପ୍ରତିଶ୍ରୁତି ଦିଅନ୍ତି ହେଲେ ପରବର୍ତ୍ତୀ ସମୟରେ ଭୁଲିଯାଆନ୍ତି ା ପାରାଦୀପ ଅଞ୍ଚଳରେ ବିଭିନ୍ନ ପ୍ରକଳ୍ପ ପ୍ରତିଷ୍ଠା ଯୋଗୁ ଚାଷ ଓ ବାସ ପାଇଁ ଜମି ସଙ୍କୁଚିତ ହୋଇଗଲାଣି। ଏବେ ଉପକୂଳ ରାଜପଥ ନିମନ୍ତେ ଜମି ଦେବୁ ହେଲେ ବଜାର ଦର ଅନୁସାରେ ଉପଯୁକ୍ତ ମୂଲ୍ୟ ନ ମିଳିଲେ ଛାଡିବୁ ନାହିଁ ବୋଲି କହିଥିଲେ ା କୃଷକ ନେତା ନୂତନ ତ୍ରିପାଠୀ କହିଥିଲେ, ବର୍ତ୍ତମାନର ବଜାର ଦର ଅନୁସାରେ ଜମି ମୂଲ୍ୟାଙ୍କନ ନ ହେଲେ ଯୋଜଦାର ଆନ୍ଦୋଳନ ହେବ ା ଏ ସମ୍ପର୍କରେ କୁଜଙ୍ଗ ତହସିଲଦାର କହିଥିଲେ ଚାଷଜମି, ଘରଡିହ, କୌଣସି ନିର୍ମାଣ ଥିଲେ ଓ ବୃକ୍ଷମାନଙ୍କର ଭିନ୍ନ ଭିନ୍ନ ମୂଲ୍ୟାଙ୍କନ କରାଯାଇ କ୍ଷତିପୁରଣ ଦିଆଯିବ ା ସୂଚନାଯୋଗ୍ୟ, ସାଗରମାଳା ପ୍ରକଳ୍ପ ନିମନ୍ତେ କୁଜଙ୍ଗ ତହସିଲ ଅନ୍ତର୍ଗତ ୧୧ ମୌଜାର ୧୬୩.୭୭୧୪ହେକ୍ଟର ଜମି ଅଧିଗ୍ରହଣ କରାଯିବ ା ପ୍ରାୟ ୫୦ ଫୁଟ ଚୌଡାର ଗ୍ରୀନ ଫିଲ୍ଡ ରାସ୍ତା ନିର୍ମାଣ କରାଯିବ ା ପ୍ରଦ୍ୟୁଷଣ ମୁକ୍ତ ନିମନ୍ତେ ରାସ୍ତାର ଉଭୟର ପାର୍ଶ୍ୱରେ ଏକ ସବୁଜ ବଳୟ ସୃଷ୍ଟି କରାଯିବ। ଏନେଇ ଜମି ଅଧିଗ୍ରହଣ ନିମନ୍ତେ ଅଗଷ୍ଠ ୭ରେ କୁଜଙ୍ଗ ତହସିଲଦାରଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଥିଲା ା ଆପତ୍ତି ଅଭିଯୋଗର ଶୁଣାଣି ନିମନ୍ତେ ୨୨ ଦିନ ମଧ୍ୟରେ ଆବେଦନ କରିବା ପାଇଁ ସେଥିରେ ଉଲ୍ଲେଖ ଥିଲା। ଏହି ଆବେଦନ ଅନୁଯାୟୀ ଅଭିଯୋଗ ଶୁଣାଣି ଶିବିର ଆୟୋଜନ କରାଯାଇଥିଲା।