କୁତ୍ରା,୧୫ା୭(ଦେବାଶିଷ ସାହୁ)ସୁନ୍ଦରଗଡ ଜିଲା କୁତ୍ରା ବ୍ଲକ ଅନ୍ତର୍ଗତ କନ୍ଧେଇମୁଣ୍ଡା ପଞ୍ଚାୟତ କୁରୁଙ୍ଗା ଗ୍ରାମରେ ନିମ୍ନ ମାନର ସୋକ୍ପିଟ ନିର୍ମାଣ ହୋଇଥିବା ନେଇ ଖବର ପ୍ରକାଶିତ ପରେ ବିଡିଓ ରବୀନ୍ଦ୍ର କୁମାର ସେଠୀ ପ୍ରତିକ୍ରିୟାଶୀଳ ହୋଇଛନ୍ତି। ସେ କହିଛନ୍ତି, ଏହା ଧସିନାହିଁ, ଏହାକୁ ସ୍ଥାନୀୟ ଲୋକେ ଜାଣିଶୁଣି ଉଦ୍ଦେଶ୍ୟମୂଳକଭାବେ ଧସେଇ ଦେଇଛନ୍ତି। ସେ ନିଜେ ଘଟଣା ସ୍ଥଳକୁ ଯାଇ ତଦାରଖ କରିବା ସହିତ ୩/୪ଜଣ ଇଞ୍ଜିନିୟର ପଠେଇ ତଦାରଖ କରିଥିବା କହିଛନ୍ତି। ତେବେ ଏହାକୁ କିଏ ଓ କାହିଁକି ଧସେଇଲା ତାହା ତଦନ୍ତ କରାଯାଉ ବୋଲି ଗ୍ରାମବାସୀ ଦାବି କରିବା ସହ ଉପଯୁକ୍ତ ତଦନ୍ତ କଲେ ଏହାର ସତ୍ୟାସତ୍ୟ ପଦାକୁ ଆସିବ ବୋଲି କହିଛନ୍ତି। ତେବେ ବର୍ତ୍ତମାନ ପ୍ରଶ୍ନ ଉଠୁଛି ଏହାକୁ ସତରେ କିଏ ଧସେଇ ଦେଇଛି ନା ଦୁର୍ନୀତି ଲୁଚାଇବାକୁ ଧସେଇ ଦେଇଥିବା ପ୍ରଶାସନ ବାହାନା କରୁଛି ତାହା ତଦନ୍ତ ସାପେକ୍ଷ। ଏ ସମ୍ପର୍କରେ ସ୍ଥାନୀୟ ଗ୍ରାମବାସୀ, ପୂର୍ବତନ ଜିଲା ପରିଷଦ ସଭ୍ୟ ଶରତ ଚନ୍ଦ୍ର ସା, ରଞ୍ଜନ ସା, ଯୁଗେଶ୍ବର ସା କହିଛନ୍ତି, ଏହାକୁ କେହି ଧସେଇ ନାହାନ୍ତି। ଏହା ଆପେ ଧସିଛି। ଏଦିଗରେ ଜିଲା ପ୍ରଶାସନ ଦୃଷ୍ଟିଦେଇ ତୁରନ୍ତ ଘଟଣାର ତଦନ୍ତ କରିବା ପାଇଁ ସେମାନେ ଦାବି କରିଛନ୍ତି। ପ୍ରକାଶଥାଉ କି, ବର୍ତ୍ତମାନ ଏଭଳି ଦୁର୍ନୀତି ଖବର ହେଉ କି ସତ୍ୟ ଘଟଣା ଗଣମାଧ୍ୟମରେ ପ୍ରକାଶିତ ହେଲେ କିଛି ନିର୍ଦ୍ଦିଷ୍ଟ ଗୋଷ୍ଠୀ ଗଣମାଧ୍ୟମର କଣ୍ଠରୋଧ କରିବା ସହିତ ପ୍ରଶାସନ ସହିତ ମିଶି ଦୁର୍ନୀତିକୁ ପ୍ରୋତ୍ସାହନ ଦେଉଛନ୍ତି।