ନୂଆଦିଲ୍ଲୀ,୯।୫: ଇଣ୍ଡିଆନ ପ୍ରିମିୟର ଲିଗର ଚଳିତ ସିଜିନ୍ ଏହାର ଶେଷ ପର୍ଯ୍ୟାୟରେ ପ୍ରବେଶ କରିଛି। ଆଗାମୀ ୨ ସପ୍ତାହରୁ କମ ସମୟ ମଧ୍ୟରେ, ଆଇପିଏଲ ୨୦୨୪ର ଲିଗ ପର୍ଯ୍ୟାୟ ଶେଷ ହେବ। ଗୋଟିଏ ପଟେ ପଏଣ୍ଟ ଟେବୁଲରେ ଟପ -୪ରେ ରହିବାକୁ ସଂଘର୍ଷ ଜାରି ରହିଛି। ଅନ୍ୟପକ୍ଷରେ ଅରେଞ୍ଜ୍ ଏବଂ ପର୍ପଲ କ୍ୟାପ୍ ପାଇଁ ମଧ୍ୟ ରେସ୍ ଚାଲିଛି। ଏବେ ଅରେଞ୍ଜ କ୍ୟାପ୍ ବିରାଟ କୋହଲିଙ୍କପ୍ପାଖରେ ଅଛି। ବିରାଟ କୋହଲି ଏପର୍ଯ୍ୟନ୍ତ ଆଇପିଏଲ ୨୦୨୪ରେ ୧୧ଟି ମ୍ୟାଚରେ ୫୪୨ ରନ ସଂଗ୍ରହ କରିଛନ୍ତି। କିନ୍ତୁ ପଏଣ୍ଟ ଟେବୁଲରେ ଆରସିବିର ସ୍ଥିତିକୁ ବିଚାରକୁ ନେଇ କୋହଲି ଶେଷ ପର୍ଯ୍ୟନ୍ତ ଅରେଞ୍ଜ କ୍ୟାପ ବଜାୟ ରଖିପାରିବେ ନାହିଁ।
ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଆଇପିଏଲ ୨୦୨୪ରେ ୧୧ଟି ମ୍ୟାଚ ଖେଳିବା ପରେ ମାତ୍ର ୪ ଥର ବିଜୟ ହାସଲ କରିବାରେ ସକ୍ଷମ ହୋଇଛି। ଦଳ ବର୍ତ୍ତମାନ ୮ ପଏଣ୍ଟ ସହ ପଏଣ୍ଟ ଟେବୁଲରେ ସପ୍ତମ ସ୍ଥାନରେ ରହିଛି। ଯଦିଓ ବେଙ୍ଗାଲୁରୁ ଏହାର ଅବଶିଷ୍ଟ ସମସ୍ତ ମ୍ୟାଚ ଜିତିବ, ତଥାପି ଏହାର ମାତ୍ର ୧୪ ପଏଣ୍ଟ ରହିବ। ଏଭଳି ପରିସ୍ଥିତିରେ ଦଳ ଯୋଗ୍ୟତା ଅର୍ଜନ କରିବା ଅତ୍ୟନ୍ତ କଷ୍ଟକର। ଏହାର ଅର୍ଥ ହେଉଛି ଏହି ସିଜନରେ ବିରାଟ କୋହଲି ବୋଧହୁଏ ଆହୁରି ୩ ଇନିଂସ ଖେଳି ପାରିବେ। ସେ ବର୍ତ୍ତମାନ ଥିବା ଟ୍ରାକ୍କୁ ଦେଖିଲେ ଲାଗୁଛି ଯେପରି କି କୋହଲି ୭୦୦ରନ ଚିତ୍ରକୁ ସହଜରେ ସ୍ପର୍ଶ କରିବେ। କିନ୍ତୁ ଅନ୍ୟ ଖେଳାଳିମାନେ ତାଙ୍କ ନିକଟରେ ଅଛନ୍ତି।
ଯଦି ଆରସିବି ପ୍ଲେ ଅଫ କୁ ଯିବ ିନାହିଁ, ତେବେ ରୁତୁରାଜ ଗାଇକ୍ୱାଡ ଏବଂ ସଞ୍ଜୁ ସାମସନଙ୍କ ମଧ୍ୟରେ ଅରେଞ୍ଜ କ୍ୟାପ ପାଇଁ କଠିନ ଯୁଦ୍ଧ ହୋଇପାରେ। ଗୋଟିଏ ପଟେ ରାଜସ୍ଥାନ ରୟାଲ୍ସ ପ୍ରାୟ ପ୍ଲେ ଅଫ ରେ ପହଞ୍ଚିଥିବାବେଳେ ପ୍ଲେ ଅଫ ଯିବାକୁ ସିଏସକେକୁ ୩ଟି ମ୍ୟାଚ ମଧ୍ୟରୁ ଅତି କମରେ ୨ଟି ଜିତିବାକୁ ପଡିବ। ଯଦି ଉଭୟ ଦଳ ପ୍ଲେ ଅଫକୁ ଯାଆନ୍ତି, ତେବେ ଗାଇକ୍ୱାଡ ଏବଂ ସାମସନ ବିରାଟ କୋହଲିଙ୍କ ଅପେକ୍ଷା ଅଧିକ ମ୍ୟାଚ ଖେଳିବାର ସୁଯୋଗ ପାଇବେ। ସିଏସକେ ଅଧିନାୟକ ଗାଇକ୍ୱାଡ ଏପର୍ଯ୍ୟନ୍ତ ୫୪୧ ରନ ସଂଗ୍ରହ କରିଛନ୍ତି ଏବଂ ଅରେଞ୍ଜ କ୍ୟାପ ରେସ୍ରେ ଦ୍ୱିତୀୟ ସ୍ଥାନରେ ଅଛନ୍ତି। ଆରଆର ଅଧିନାୟକ ସାମସନ ୧୧ଟି ମ୍ୟାଚରେ ୪୭୧ ରନ ସଂଗ୍ରହ କରିଛନ୍ତି।