ଯେତେବେଳେ ଦୁଇଜଣ ଭିନ୍ନ ଧରଣର କଳାକାର ଏକାଠି ହୁଅନ୍ତି, ସେଠି ଜନ୍ମ ନିଏ ଏକ ନୂଆ କଳାର ଧାରା। ଠିକ୍ ଯେମିତି ଭିଏତ୍ନାମର ପାରମ୍ପରିକ ଏମ୍ବ୍ରୋଏଡରି କାରିଗର ହୋଆଙ୍ଗ ଲି ଜୁଆନ୍ ଓ ପେଣ୍ଟର୍ ଏକ୍ସକ୍ୟୁ ଡଲାତ୍ ଏକାଠି ହୋଇ ସୃଷ୍ଟି କରିଛନ୍ତି ଏକ ନୂଆ କଳା। ସେ ହେଉଛି ଏମ୍ବ୍ରୋଏଡରି ପେଣ୍ଟିଂ। ଏମ୍ବ୍ରୋଏଡରି ମାଧ୍ୟମରେ ଦୁହେଁ ଏଭଳି ପେଣ୍ଟିଂ ତିଆରି କରୁଛନ୍ତି, ଯାହାକୁ ଦେଖିଲେ ବିଶ୍ୱାସ କରି ହୁଏନା ତାହା ରେଶମ ସୂତାରେ ତିଆରି ଏମ୍ବ୍ରୋଏଡରି ବୋଲି। ଲାଗେ ସତେ ଯେମିତି ତାହା ରଙ୍ଗ ତୂଳୀରେ ତିଆରି ପେଣ୍ଟିଂ। ଏହି ମାଷ୍ଟରପିସ୍ ପେଣ୍ଟିଂକୁ ନେଇ ସେମାନେ କରୁଥିବା ବ୍ୟବସାୟ ଏବେ ଅନ୍ତର୍ଜାତୀୟ ସ୍ତରର ପାଲଟିଗଲାଣି। ଗ୍ରାହକଙ୍କ ଚାହିଦା ପୂରଣ ପାଇଁ ଦୁହେଁ ଦକ୍ଷତାସମ୍ପନ୍ନ ୩୦୦୦ ଏମ୍ବ୍ରୋଏଡରି କାରିଗର ରଖିଛନ୍ତି।