କୁମ୍ଭମେଳା ଦଳାଚକଟାରେ ୩୦ ମୃତ୍ୟୁ ମାମଲା: ହେମା ମାଳିନୀ କହିଲେ-‘କିଛି ବଡ ଘଟଣା ନୁହେଁ’

ନୂଆଦିଲ୍ଲୀ,୪।୨: ମହାକୁମ୍ଭ ମେଳାରେ ଅହେତୁକ ଭିଡ଼ କାରଣରୁ ଘଟିଥିବା ଦଳାଚକଟାରେ ୩୦ ଜଣ ମୃତ୍ୟୁ ବରଣ କରିଥିବା ବେଳେ ଏହାର ଦୁଇଗୁଣା ଲୋକେ ଆହତ ହୋଇଛନ୍ତି। ତେବେ ”ଏହା ଏକ ବଡ ଘଟଣା ନୁହେଁ” ବୋଲି କହିଛନ୍ତି ଅଭିନେତ୍ରୀ ତଥା ଭାଜପା ଏମପି ହେମାମାଳିନୀ।

ହେମା କହିଥିଲେ “… ଏହା ଏକ ବହୁତ ବଡ଼ ଘଟଣା ନଥିଲା। ମୁଁ ଜାଣିନାହିଁ ଏହା କେତେ ବଡ଼ ଥିଲା (କିନ୍ତୁ) ଏହାକୁ ଅତିରଞ୍ଜିତ କରାଯାଉଛି,”। ଏହି ଅବସରରେ ସେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପ୍ରଶାସନକୁ “ଅତ୍ୟନ୍ତ ସୁପରିଚାଳିତ” ଧାର୍ମିକ ସମାବେଶ ପାଇଁ ପ୍ରଶଂସା କରିଥିଲେ। “ସବୁକିଛି ବହୁତ ଭଲ ଭାବରେ କରାଯାଉଛି..। ତେବେ ଏତେ ଲୋକ ଆସୁଛନ୍ତି… ପରିଚାଳନା କରିବା ବହୁତ କଷ୍ଟକର ହୋଇଥିବାରୁ ଦଳାଚକଟାକୁ ‘ଅନିବାର୍ଯ୍ୟ’ ବୋଲି ମଧ୍ୟ ସେ କହିଥିଲେ।

ହେମା ମାଳିନୀ ଗତ ସପ୍ତାହରେ ମଧ୍ୟ ଏଠାରେ ‘ପବିତ୍ର ସ୍ନାନ’ କରିଥିଲେ, ଯାହା ପରେ ସେ “ମହାନ ଅନୁଭବ କରୁଛନ୍ତି” ବୋଲି କହିଥିଲେ ଏବଂ କହିଥିଲେ, “ମୁଁ ପୂର୍ବରୁ କେବେ ଏପରି ଅଭିଜ୍ଞତା ପାଇନାହିଁ… ମୁଁ ପବିତ୍ର ସ୍ନାନ କରିଥିବାରୁ ସୌଭାଗ୍ୟବାନ ମାନେ କରୁଛି।”

ହେମାଙ୍କ ଏହି ବୟାନ ପରେ କଂଗ୍ରେସ କଡା ପ୍ରତିକ୍ରିୟା ରଖିଛି। ଏମପି ତାରିକ ଅନୱର କହିଛନ୍ତି, ଅଭିନେତ୍ରୀ “କେବେ ଜାଣି ପାରିବେ ନାହିଁ ଯେ ଏହା (ଭୟାନଜନକ ଭିଡ଼ ଯାହା ଦଳାଚକଟାର କାରଣ ହୋଇଥିଲା) ପ୍ରକୃତରେ କ’ଣ ଥିଲା”।