ନୂଆଦିଲ୍ଲୀ,୩୦।୬: ଟି -୨୦ ବିଶ୍ୱକପ ଜିତିବା ପରେ ବିସିସିଆଇ ଭାରତୀୟ ଦଳ ଉପରେ ନୋଟ ବର୍ଷା କରିଛି। ଭାରତୀୟ ବୋର୍ଡ ଟିମ ପାଇଁ ୧୨୫ କୋଟି ଟଙ୍କା ପୁରସ୍କାର ରାଶି ଘୋଷଣା କରିଛି। ଶନିବାର ରାତିରେ ଟି -୨୦ ବିଶ୍ୱକପ ୨୦୨୪ର ଫାଇନାଲରେ ଦକ୍ଷିଣ ଆଫ୍ରିକାକୁ ୭ ରନରେ ପରାସ୍ତ କରି ଭାରତ ଟ୍ରଫି ଜିତିଛି। ସମଗ୍ର ଟୁର୍ନାମେଣ୍ଟରେ ଅପରାଜିତ ରହି ଭାରତୀୟ ଦଳ ଟାଇଟଲ ଜିତିଛି। ଟି -୨୦ ରେ ଏହା ହେଉଛି ଭାରତର ଦ୍ୱିତୀୟ ବିଶ୍ୱକପ ଟ୍ରଫି । ଏହାପୂର୍ବରୁ ମହେନ୍ଦ୍ର ସିଂ ଧୋନିଙ୍କ ଅଧିନାୟକତ୍ୱରେ ଭାରତୀୟ ଦଳ ୨୦୦୭ରେ ଟି -୨୦ ବିଶ୍ୱକପ ଜିତିଥିଲା।
ରବିବାର ସାରେ ଟି-୨୦ ବିଶ୍ୱକପ ବିଜେତା ଦଳ ପାଇଁ ବିସିସିଆଇ ସଚିବ ଜୟ ଶାହା ପୁରସ୍କାର ରାଶି ଘୋଷଣା କରିଛନ୍ତି। ଜୟ ଶାହା ଟୁଇଟ କରି କହିଛନ୍ତି, ଆଇସିସି ପୁରୁଷ ଟି -୨୦ ବିଶ୍ୱକପ ୨୦୨୪ ଜିତିବାରେ ଟିମ ଇଣ୍ଡିଆ ପାଇଁ ୧୨୫କୋଟି ଟଙ୍କା ପୁରସ୍କାର ରାଶି ଘୋଷଣା କରି ମୁଁ ଖୁସି। ଦଳ ଟୁର୍ଣ୍ଣାମେଣ୍ଟରେ ଅତୁଳନୀୟ ପ୍ରତିଭା, ନିଷ୍ଠା ଏବଂ କ୍ରୀଡ଼ା ଭାବନାକୁ ପ୍ରଦର୍ଶନ କରିଛି । ଏହି ଉତ୍କୃଷ୍ଟ ସଫଳତା ପାଇଁ ସମସ୍ତ ଖେଳାଳି, ପ୍ରଶିକ୍ଷକ ଏବଂ ସହାୟକ କର୍ମଚାରୀଙ୍କୁ ଅଭିନନ୍ଦନ! ’
I am pleased to announce prize money of INR 125 Crores for Team India for winning the ICC Men’s T20 World Cup 2024. The team has showcased exceptional talent, determination, and sportsmanship throughout the tournament. Congratulations to all the players, coaches, and support… pic.twitter.com/KINRLSexsD
— Jay Shah (@JayShah) June 30, 2024
