ଭୁବନେଶ୍ୱର,୮ା୧୦: ବହୁ ଚର୍ଚ୍ଚିତ ପାରଳାଖମୁଣ୍ଡି ଏସିଏଫ୍ ସୌମ୍ୟ ରଞ୍ଜନ ମହାପାତ୍ରଙ୍କ ମୃତ୍ୟୁ ଘଟଣାରେ ଡିଏଫ୍ଓ ଏବଂ ରୋଷେୟାଙ୍କୁ କ୍ଲିନ ଚିଟ୍ ଦେଇଛନ୍ତି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା। ତଦନ୍ତରୁ ଡିଏଫ୍ଓ ସଂଗ୍ରାମ ବେହେରା ଏବଂ ରୋଷେୟା ମନ୍ମଥ କୁମ୍ଭଙ୍କ ବିରୋଧରେ କୌଣସି ବଳିଷ୍ଠ ପ୍ରମାଣ ମିଳିନାହିଁ। ଆଉ ସୌମ୍ୟଙ୍କ ମୃତ୍ୟୁ କାଳୀନ ଜମାନବନ୍ଦୀକୁ ଆଧାର ଏବଂ ତଦନ୍ତର ନିର୍ଯ୍ୟାସ ଅନୁସାରେ କ୍ୱାର୍ଟସରେ ହିଁ ଘଟଣା ଘଟିଛି। ଦୁହିଁଙ୍କ ଏହି ଘଟଣାରେ ଭୂମିକା ନ ଥିବା କ୍ରାଇମବ୍ରାଞ୍ଚ ଏଡିଜି କହିଛନ୍ତି। ଏଣୁ ସୌମ୍ୟଙ୍କ ମୃତ୍ୟୁକୁ ଏକ ଦୁର୍ଘଟଣା କୁହାଯାଇ ପାରିବ। କିରାସିନିରୁ ଦେହରେ ନିଆଁ ଲାଗିଥିଲା। ସ୍ତ୍ରୀ ବିଦ୍ୟାଭାରତୀ ଲିଭାଇବାକୁ ଚେଷ୍ଟା କରି ନ ଥିଲେ। ଏପରିକି ପାଟି କରି କାହାରିକୁ ନିଆଁ ଲିଭାଇବାକୁ ଡାକି ନ ଥିଲେ। ଏହା ଅପରାଧ। ଏଥିଲାଗି ତାଙ୍କ ଉପରେ କାର୍ଯ୍ୟନୁଷ୍ଠାନ ନିଆଯିବ।
