ଜଗନ୍ନାଥ ପ୍ରସାଦ,୨୬।୬(ଡି.ଏନ.ଏ.): ଗଞ୍ଜାମ ଜିଲା ଜଗନ୍ନାଥପ୍ରସାଦ ପୋଲିସକୁ ବର୍ଷ ବର୍ଷ ଧରି ଚକ୍ମା ଦେଇ ଖସି ପଳାଉଥିବା କୁଖ୍ୟାତ ଅପରାଧୀ ଶଙ୍କର ନାଇକଙ୍କୁ ଶନିବାର ରାଉତି ଛକରୁ ପୋଲିସ ଗିରଫ କରିଛି। ଏ ନେଇ ନଂ.୨୦୧/୨୨ରେ ମାମଲା ରୁଜୁ କରି କୋର୍ଟଚାଲାଣ କରାଯାଇଛି। ତାଙ୍କ ନିକଟରୁ ଗୋଟିଏ ମାଉଜର ଓ ୫ ଅଫୁଟା ଗୁଳି ଜବତ କରାଯାଇଛି। ଡକାୟତ ଉଦ୍ୟମ, ବେଆଇନ ମାରଣାସ୍ତ୍ର ଦେଖାଇ ଧମକଚମକ ଦେବା, ବ୍ୟାଙ୍କ ଡକାୟତି, ଦାଦାବଟି ମାଗିବା ଓ ଫୋନରେ ହତ୍ୟା ଧମକ ଦେବା ଓ ପୋଲିସ ଉପରକୁ ବୋମା ଫୋପାଡ଼ି ଭୟଭୀତ କରିବା ଭଳି ଅନେକ ସଂଗୀନ ଅପରାଧରେ ସେ ସଂଶ୍ଲିଷ୍ଟ ଥିଲେ। ଗଞ୍ଜାମ, ନୟାଗଡ଼, ଖୋର୍ଦ୍ଧା ଜିଲାରେ ୧୦ ରୁ ଅଧିକ ଆପରାଧିକ ମାମଲା ତାଙ୍କ ନଁାରେ ରହିଥିବା ଭଞ୍ଜନଗର ଏସ୍ଡିପିଓ ସୁଧାଂଶୁ ଶେଖର ମିଶ୍ର ଆୟୋଜିତ ପ୍ରେସ୍ ମିଟରେ ସୂଚନା ଦେଇଛନ୍ତି। ଶଙ୍କରଙ୍କ ଅନ୍ୟାନ୍ୟ ସହଯୋଗୀଙ୍କୁ ଖୁବଶୀଘ୍ର ଧରାଯିବାର ଚେଷ୍ଟା ଜାରି ରହିଛି। ଶନିବାର ରାଉତି ଛକରୁ ଜଗନ୍ନାଥପ୍ରସାଦ ଥାନା ଅଧିକାରୀ ଦିଲୀପ ସ୍ବାଇଁଙ୍କ ନେତୃତ୍ୱରେ ଏସ୍ଆଇ ସୁଶାନ୍ତ ପ୍ରଧାନ, ନିରଞ୍ଜନ ଦାସ, ଚନ୍ଦ୍ର ଶେଖର ବେହେରା, ଏସଆଇ ପ୍ରଭାତୀ ବେହେରା, ରଞ୍ଜନ କୁମାର ଆଚାର୍ଯ୍ୟ ଏବଂ ଥାନା କର୍ମଚାରୀ ସାମିଲ ଥିଲେ।