ଭୁବନେଶ୍ୱର,୨୦।୨: ଭାରତୀୟ ବିଦ୍ୟା ନିକେତନ ପରିସରରେ ସୁକିନ୍ଦା ସାହିତ୍ୟ ସମାଜ ଯାଜପୁର ପକ୍ଷରୁ ଡ. କିଶୋର ଚନ୍ଦ୍ର ଦାସଙ୍କ ଦ୍ୱାରା ରଚିତ ଉପନ୍ୟାସ ‘ଚଗଲା ଆଉ ଚଗଲି’ ଉନ୍ମୋଚନ ହୋଇଯାଇଛି। ଆୟୋଜିତ ଲୋକାର୍ପଣ ଉତ୍ସବରେ ଅତିଥି ଭାବେ କଥାକାର ଜ୍ଞାନରଞ୍ଜନ ନାୟକ, ସାମାଜିକକର୍ମୀ ଅକ୍ଷୟ କୁମାର ଭୂୟାଁ, ସାହିତି୍ୟକ ହିମାଂଶୁ ଶେଖର ଦ୍ୱିବେଦୀ, ବ୍ୟଙ୍ଗକାର ଓମ୍ ଅଭିଜ୍ଞାନ ସାହୁ ଯୋଗ ଦେଇଥିଲେ।
ଏହି ଅବସରରେ ‘ଚଗଲା ଆଉ ଚଗଲି’ ଉପରେ ମାନମୟୀ ରଥଙ୍କ ଦ୍ୱାରା ଲିଖିତ ସମୀକ୍ଷାଟିକୁ ହିମାଂଶୁ ଶେଖର ଦ୍ବିବେଦୀଙ୍କ ଦ୍ୱାରା ପାଠ କରାଯାଇଥିଲା । ‘ଚଗଲା ଆଉ ଚଗଲି’ଙ୍କ ବାସ୍ତବ କାହାଣୀ ଓ ସାହିତ୍ୟ ଯାତ୍ରା ଉପସ୍ଥିତ ଶ୍ରୋତାଙ୍କ ମନ ଛୁଇଁଥିଲା।
ଦ୍ୱିତୀୟ ପର୍ଯ୍ୟାୟରେ ସୁରେନ୍ଦ୍ର କୁମାର ଦାଶଙ୍କ ସଭାପତିତ୍ୱରେ ଡ. ଦୟାନିଧି ଦାଶ ଓ ସଙ୍ଘମିତ୍ରା ଭୂତିଆ ସଭା କାର୍ଯ୍ୟକ୍ରମ ପରିଚାଳନା କରିଥିଲେ। ପାର୍ଥ ସ୍ବାଇଁ, ଆଲୋକ ଷଡ଼ଙ୍ଗୀଙ୍କ ସମେତ ୧୦ଜଣ ସମୀକ୍ଷକ ଉପନ୍ୟାସ ବିଷୟରେ ମତାମତ ଦେଇଥିଲେ । ଶ୍ରାବଣୀ ଅଳ୍ପନା, ସ୍ମରଣିକା ମାଣିଆ, ଐଶ୍ୱର୍ଯ୍ୟା ରାଉତ, ସାହିତି୍ୟକା ମୌସୁମୀ ଦାଶ, ଜ୍ଞାନରଞ୍ଜନ ନାୟକ, ସଂଘମିତ୍ରା ଭୁତିଆ ମତାମତ ପାଠ କରିଥିଲେ। ମନୋରଞ୍ଜନ ଦାସ କାର୍ଯ୍ୟକ୍ରମ ପରିଚାଳନା କରିଥିଲେ। ଅଜୟ କୁମାର ଖୁଣ୍ଟିଆ ଧନ୍ୟବାଦ ଅର୍ପଣ କରିଥିଲେ।