ଭୁବନେଶ୍ୱର,୪।୧୧:ଇଣ୍ଡିଆନ୍ ପ୍ଲାଷ୍ଟିକ୍ସ ଫେଡେରେଶନ (ଆଇପିଏଫ୍) ପକ୍ଷରୁ ନଭେମ୍ବର ୨୫ରୁ ଏକ ୪ ଦିନିଆ ଅନ୍ତର୍ଜାତୀୟ ପ୍ଲାଷ୍ଟିକ୍ ପ୍ରଦର୍ଶନୀ ସମ୍ପର୍କରେ ଘୋଷଣା କରାଯାଇଛି। ଏପରିକି ଆଇପିଏଫ୍ର ତ୍ରୈବାର୍ଷିକ ପ୍ରଦର୍ଶନୀ ଅବସରରେ ‘ଇଣ୍ଡୋପ୍ଲାସ୍-୨୦୨୨’ର ଆୟୋଜନ କୋଲକାତାଠାରେ କରାଯାଉଛି। ଉକ୍ତ ପ୍ରଦର୍ଶନୀ ନୂଆ କରି ନିର୍ମାଣ ହୋଇଥିବା ବିଶ୍ୱ ବାଙ୍ଗ୍ଲା ମେଳା ପ୍ରାଙ୍ଗଣଠାରେ ୨୦୨୨ ନଭେମ୍ବର ୨୫ରୁ ୨୮ ପର୍ଯ୍ୟନ୍ତ ଆୟୋଜନ ହେବ। ଉଲ୍ଲେଖଯୋଗ୍ୟ, ଅନ୍ତର୍ଜାତୀୟ ପ୍ରଦର୍ଶନୀର ୯ମ ସଂସ୍କରଣ ଯାହା ସମଗ୍ର ପ୍ଲାଷ୍ଟିକ୍ ଶିଳ୍ପକୁ ଗୋଟିଏ ଛାତ ତଳେ ଏକାଠି କରିବ।
ଏ ସମ୍ପର୍କରେ ଇଣ୍ଡୋପ୍ଲାସ୍-୨୦୨୨ର ଅଧ୍ୟକ୍ଷ ପ୍ରଦୀପ ନାୟାର କହିଛନ୍ତି, ଉକ୍ତ ପ୍ରଦର୍ଶନୀଗୁଡିକ ଅର୍ଥନୀତିକୁ ତ୍ୱରାନ୍ବିତ କରିଥାନ୍ତି। ଭାରତ ହେଉଛି ପ୍ଲାଷ୍ଟିକ୍ ପାଇଁ ୩ୟ ସର୍ବବୃହତ୍ ଅନ୍ତର୍ଜାତୀୟ ବଜାର। ବର୍ଦ୍ଧିତ ଅର୍ଥନୀତି ଓ ସହାୟକ ସରକାରୀ ନୀତିଗୁଡିକ ଭାରତକୁ ଏକ ପଲିମର୍ ସୁପର ପାୱାରରେ ପରିଣତ କରିଛି, କିନ୍ତୁ ସର୍ବୋତ୍ତମତା ଆସିବା ବାକି ରହିଛି। ଆମେ ଏଠାକୁ ସୁଯୋଗଗୁଡିକୁ ଉନ୍ମୋଚନ କରିବା ଓ ତାହା ଉପରେ ପୁଞ୍ଜି ହାସଲ କରିବା ପାଇଁ ଆସିଛୁ। ସେହିଭଳି ଇଣ୍ଡିଆନ ପ୍ଲାଷ୍ଟିକ ଫେଡେରେଶନର ଅଧ୍ୟକ୍ଷ ଶିଶିର ଜଲାନ କହିଛନ୍ତି, ଏକ ବଜାର ଭାବେ ପୂର୍ବାଞ୍ଚଳ ଭାରତ ପଲିମର ଶିଳ୍ପର ଅଭିବୃଦ୍ଧି ଦୃଷ୍ଟିରୁ ଦେଶର ଅବଶିଷ୍ଟ ଭାଗକୁ ପଛରେ ପକାଇଛି। ଅନ୍ୟମାନଙ୍କ ମଧ୍ୟରେ ପ୍ରଦର୍ଶନୀ ଆୟୋଜନକାରୀ କମିଟିର ସଦସ୍ୟ ଅନିଲ କୁମାର ଏବଂ ସ୍ବସ୍ତିକ ଅଗ୍ରୱାଲ ପ୍ରମୁଖ ଉପସ୍ଥିତ ଥିଲେ।
