ଏବେ ଭାରତ ସହ ସମ୍ପର୍କ ଦୃଢ ବିଷୟରେ ଆଲୋଚନ କରିବା ଭଲ ସମୟ ନୁହେଁ: ଇମ୍ରାନ

ଇସଲାମାବାଦ,୨୬।୧୨: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଭାରତ ସହ ସମ୍ପର୍କକୁ ସୁଦୃଢ କରିବା ଉପରେ ଗୁରୁତ୍ୱାରୋପ କରିଛନ୍ତି। ସାଉଦି ଆରବର ରାଜଧାନୀ ରିୟାଦରେ ପାକିସ୍ତାନ-ସାଉଦି ଇନଭେଷ୍ଟମେଣ୍ଟ ଫୋରମକୁ ସମ୍ବୋଧିତ କରିବାବେଳେ ଖାନ କହିଛନ୍ତି, ଭାରତ ଏବଂ ପାକିସ୍ତାନର କେବଳ ଗୋଟିଏ ପ୍ରସଙ୍ଗ – କାଶ୍ମୀର ପ୍ରସଙ୍ଗ। ସଭ୍ୟ ପଡ଼ୋଶୀ ପରି ଏହାର ସମାଧାନ କରିବାକୁ ସେ ଅନୁରୋଧ କରିଥିଲେ। କିନ୍ତୁ ଟି -୨୦ ବିଶ୍ୱକପ ୨୦୨୧ ରେ ଭାରତ ବିପକ୍ଷରେ ଦେଶର ବିଜୟ ପରେ ଏହା କହିବା ଭଲ ସମୟ ନୁହେଁ ବୋଲି ସେ କହିଛନ୍ତି।
୧୯୯୨ରେ ତାଙ୍କ ଅଧିନାୟକତ୍ୱରେ ପାକିସ୍ତାନକୁ ବିଶ୍ୱକପକୁ ନେଇଥିବା ଇମ୍ରାନ କହିଛନ୍ତି, ଚାଇନା ସହ ଆମର ବହୁତ ଭଲ ସମ୍ପର୍କ ଅଛି, କିନ୍ତୁ ଯଦି ଆମେ କୌଣସି ପ୍ରକାରେ ଭାରତ ସହ ଆମର ସମ୍ପର୍କକୁ ସୁଦୃଢ଼ କରିଥାଉ – ମୁଁ ଜାଣେ କ୍ରିକେଟ ମ୍ୟାଚରେ ପାକିସ୍ତାନ ଦଳ ଭାରତକୁ ହରାଇବା ପରେ ଭାରତ ସହ ସମ୍ପର୍କକୁ ସୁଦୃଢ଼ କରିବା ପାଇଁ କଥାବାର୍ତ୍ତା କରିବାର ଭଲ ସମୟ ନୁହେଁ। ତଥାପି ଆମେ ଭାରତ ସହ ସମ୍ପର୍କ ଦୃଢ କରିବାକୁ ଚାହୁଁ ବୋଲି ସେ କହିଛନ୍ତି।