ଟୋକିଓ: ଏବେ ପର୍ଯ୍ୟନ୍ତ ଆପଣମାନେ କେବଳ ୱାଶିଂ ମେଶିନ ଜାଣିଛନ୍ତି ଯାହା ପୋଷାକ ଧୋଇଥାଏ, କିନ୍ତୁ ବର୍ତ୍ତମାନ ଏକ ମେଶିନ ପ୍ରସ୍ତୁତ ହୋଇଛି ଯାହା ମଣିଷକୁ ଧୋଇପାରେ। ମଣିଷମାନଙ୍କ ପାଇଁ ଡିଜାଇନ ହୋଇଥିବା ଏହି ଅନନ୍ୟ ମେଶିନ ଏହାର କାର୍ଯ୍ୟକୁ ମାତ୍ର ୧୫ ମିନିଟରେ ଶେଷ କରିପାରିବ, ଅର୍ଥାଥ ଏହା ଜଣେ ବ୍ୟକ୍ତିଙ୍କୁ ଗାଧୋଇ ଦେବା ସହ ପୋଛାପଛେି କରି ଶୁଖାଇ ବି ଦେଇପାରିବ। ଜାପାନର ଏକ କମ୍ପାନୀ ମାନବ ୱାଶିଂ ମେଶିନ ବିକଶିତ କରିଛି।
ଜାପାନର ମିଡିଆ ଅସାହି ଶିମ୍ବୁନ ଅନୁଯାୟୀ ବିଜ୍ଞାନ କମ୍ପାନୀ ଏହି ମେସିନକୁ ବିକଶିତ କରିଛି। ଏହି କମ୍ପାନୀ ବାଥରୁମ ସମ୍ବନ୍ଧୀୟ ଉତ୍ପାଦ ପ୍ରସ୍ତୁତ କରେ। କମ୍ପାନୀ ଏହି ଉତ୍ପାଦକୁ ଆଗାମୀ ସମୟରେ ଲଞ୍ଚ କରିବାକୁ ଯୋଜନା କରିଛି। ପଣ୍ଡ ଭଳି ଦେଖାଯାଉଥିବା ମାନବ ୱାଶିଂ ମେଶିନ ଜେଟ ଯୁଦ୍ଧବିମାନର କକପିଟ ପରି ଦେଖାଯାଏ। ଏହି ମେଶିନ ଯାହା ମାତ୍ର ୧୫ମିନିଟରେ ଜଣେ ବ୍ୟକ୍ତିଙ୍କୁ ଧୋଇ ଶୁଖାଇପାରେ।
ଭଳଭାବେ ପରିଷ୍କାର କରିବାରେ ସାହାଯ୍ୟ କରିବା ପାଇଁ ଏହା କ୍ଷୁଦ୍ର ବବୁଲ ତିଆରି କରେ। ଏହାର ଅନେକ ସ୍ବାସ୍ଥ୍ୟ ଉପକାରିତା ମଧ୍ୟ ରିପୋର୍ଟ କରାଯାଇଛି। ଏଥିରେ ସ୍ଥାପିତ ସେନ୍ସରଗୁଡ଼ିକ ଜଣେ ବ୍ୟକ୍ତିଙ୍କ ପିଠି ସାହାଯ୍ୟରେ ଚାପ ଏବଂ ଥକ୍କା ଚିହ୍ନଟ କରିପାରିବ। ଆପଣ ଶାରୀରିକ ଏବଂ ମାନସିକ ସ୍ତରରେ ଆରାମ ପାଇପାରିବେ।