ଚିତ୍ରକୋଣ୍ଡା,୨୬ା୧୦(ଡି.ଏନ୍.ଏ.): ଆନ୍ଧ୍ର ଓଡ଼ିଶା ସୀମାନ୍ତ ଆଦିବାସୀ ବହୁଳ ତଥା ଉପାନ୍ତ ମାଲକାନଗିରି ଜିଲା ଚିତ୍ରକୋଣ୍ଡା ସୀମାନ୍ତ ଅଞ୍ଚଳରୁ ମାଓବାଦୀ ମୂଳପୋଛ ପାଇଁ ପ୍ରୟାସ ଜାରି ରହିଛି। ଦିନ ଥିଲା ଉକ୍ତ ଅଞ୍ଚଳରେ ମାଓବାଦୀ ରାଜ୍ କରୁଥିଲେ ତାଙ୍କ ବିନା ଇସାରାରେ ପତ୍ରଟିଏ ବି ହଲୁ ନ ଥିଲା। ମାଓଗଡ଼ ରୂପେ ପରିଚିତ ଥିଲା ହେଲେ ଆଜି ସମୟ ବଦଳି ଯାଇଛି। ସରକାର, ଓଡିଶା ପୋଲିସ, ବିଏସ୍ଏଫ୍, ଏସ୍ଓଜି ତଥା ପ୍ରଶାସନର ଉଦ୍ୟମ ଯୋଗୁ ଆଜି ଚିତ୍ରକୋଣ୍ଡାର ଉପାନ୍ତ, ସ୍ବାଭିମାନ ଅଞ୍ଚଳରେ ସମ୍ପୂର୍ଣ୍ଣ ମାଓବାଦୀ ମୁକ୍ତ ହେବାରେ ଲାଗିଛି। ମାତ୍ର ଓଡ଼ିଶା ସୀମାନ୍ତ ରାଜ୍ୟ ଅଞ୍ଚଳରୁ କେତେବେଳେ କେମିତି କାଁ ଗାଁ ଉପାନ୍ତ ଦୁର୍ଗମ ଅଞ୍ଚଳ ଦେଇ ଯାତାୟାତ କରୁଥିବା ଓଡ଼ିଶା ପୋଲିସ ଗୁଇନ୍ଦା ବିଭାଗ ଜାଣିବାକୁ ପାଇ ମୂଳପୋଛ ପାଇଁ ଚିତ୍ରକୋଣ୍ଡା ସୀମାନ୍ତ, ଉପାନ୍ତ ତଥା ଦୁର୍ଗମ ଅଞ୍ଚଳର ବିଭିନ୍ନ ସ୍ଥାନରେ ଓଡ଼ିଶା ପୋଲିସ ତଥା ଗୁଇନ୍ଦା ବିଭାଗ ତରଫରୁ ପୋଷ୍ଟର ମରାଯାଇଥିବା ଦେଖିବାକୁ ମିଳିଛି।
ଉକ୍ତ ପୋଷ୍ଟରରେ ଯଦି ନିଜ ଅଞ୍ଚଳରେ ମାଓବାଦୀ ଯାତାୟାତ କରୁଥିବା ଦେଖିବାକୁ ପାଆନ୍ତି ତେବେ ସଙ୍ଗେ ସଙ୍ଗେ ଉକ୍ତ ମୋବାଇଲ ନମ୍ବରରେ ଯଥା- ୯୭୭୭୬୫୧୧୪୩,୭୬୦୯୦୩୩୬୬୬୬,୯୪୩୭୫୨୬୦୨୨,୯୪୩୮୩୭୭୫୦୫ରେ ଯୋଗାଯୋଗ କରି ଜଣାଇବାକୁ ଜନସାଧାରଣଙ୍କୁ ନିବେଦନ କରାଯାଇଥିବା ଉଲ୍ଲେଖ ରହିଛି। ଏଥି ସହ ଜଣାଇଥିବା ବ୍ୟକ୍ତିଙ୍କ ପରିଚୟ ଗୋପନ ରଖାଯାଇ କିଛି ଅର୍ଥ ରାଶି ମଧ୍ୟ ପୁରସ୍କାର ପ୍ରଦାନ କରାଯିବ ବୋଲି ପୋଷ୍ଟରେ ଲେଖା ଯାଇଥିବା ସୂଚନା ମିଳିଛି।
