ନୂଆଦିଲ୍ଲୀ,୫।୬: ବୁଧବାର ନ୍ୟାସନାଲ ଷ୍ଟକ ଏକ୍ସଚେଞ୍ଜ (ଏନ୍ଏସ୍ଇ) ଗୋଟିଏ ଦିନରେ ୧,୯୭୧ କୋଟି ଟଙ୍କା କାରବାର କରି ଏକ ବିଶ୍ୱ ରେକର୍ଡ ସୃଷ୍ଟି କରିଛି। ଏନ୍ଏସ୍ଇ ଏମଡି ତଥା ସିଇଓ ଆଶିଷକୁମାର ଚୌହାନ ଏକ୍ସ ପ୍ଲାଟଫର୍ମରେ ଏହା କହିଛନ୍ତି।
ବୁଧବାର, ବେଞ୍ଚମାର୍କ ଇକ୍ୱିଟି ଇଣ୍ଡେକ୍ସ ସେନସେକ୍ସ ଏବଂ ନିଫ୍ଟି ଏକ ଦୃଢ ପ୍ରତ୍ୟାବର୍ତ୍ତନ କରିଛି। ଯାହା ଆଶା କରାଯାଉଥିବା ଲୋକସଭା ର୍ନିବାଚନ ୨୦୨୪ ଫଳାଫଳ ପରେ ବଡ ହ୍ରାସ ପାଇଥିଲା। ତେବେ ପରେ ୩ ପ୍ରତିଶତରୁ ଅଧିକ ବୃଦ୍ଧି ପରିତକ୍ଷିତ ହୋଇଛି।
ମଙ୍ଗଳବାରର ହ୍ରାସ ପରେ ସୂଚକାଙ୍କ ବାଉନ୍ସ କରିଛି। ବ୍ୟାଙ୍କିଙ୍ଗ, ଅଟୋ ଏବଂ ତେଲ ଶେୟାରରେ ମୂଲ୍ୟ କ୍ରୟ ପରେ ୩୦ ଶେୟାର ବିଶିଷ୍ଟ ବିଏସ୍ଇ ସେନସେକ୍ସ ୨,୩୦୩.୧୯ ପଏଣ୍ଟ (୩.୨୦%) ବୃଦ୍ଧି ପାଇଥିଲା। ସେହିଭଳି ଏନ୍ଏସ୍ଇ ନିଫ୍ଟି ୭୩୫.୮୫ ପଏଣ୍ଟ (୩.୩୬%) ବୃଦ୍ଧି ପାଇ ୨୨,୬୨୦.୩୫ ରେ ପହଞ୍ଚିଛି।
୫୪୩ ସଦସ୍ୟ ବିଶିଷ୍ଟ ଲୋକସଭାରେ ଏନଡିଏ ୨୭୨ ର ସଂଖ୍ୟାଗରିଷ୍ଠତାଠାରୁ ଆଗରେ ରହିଛି। ତଥାପି, ୨୦୧୪ ପରଠାରୁ ବିଜେପି ପ୍ରଥମ ଥର ପାଇଁ ମ୍ୟାଜିକ ନମ୍ବରରୁ ହ୍ରାସ ପାଇଛି ଏବଂ ସରକାର ଗଠନ ପାଇଁ ଭାରପା ଏହାର ସହଯୋଗୀମାନଙ୍କ ଉପରେ ର୍ନିଭରଶୀଳ।
ସମସ୍ତ ୫୪୩ ଲୋକସଭା ର୍ନିବାଚନମଣ୍ଡଳୀ ପାଇଁ ଭାରତୀୟ ର୍ନିବାଚନ ଆୟୋଗ (ଇସିଆଇ) ଫଳାଫଳ ଘୋଷଣା କରିଛି। ଭାଜପା ୨୪୦ ଟି ଆସନ ଏବଂ କଂଗ୍ରେସ ୯୯ ଟି ଜିତିଛି।