କେସିଙ୍ଗା,୨୦ା୯(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକରେ ମହାସମାରୋହରେ ପଶ୍ଚିମ ଓଡ଼ିଶାର ଗଣପର୍ବ ନୂଆଖାଇ ବୁଧବାର ଶାନ୍ତି ଶୃଙ୍ଖଳା ସହ ପାଳିତ ହୋଇଯାଇଛି। ମଙ୍ଗଳବାର ସକାଳୁ ଗ୍ରାମର ଯାନୀ ଓ ଗଣା ଘରକୁ ଘର ବୁଲି ଧରଣୀପୀଠରେ ପୂଜା କରିବା ପାଇଁ ଚାଉଳ,ଅର୍ଥସଂଗ୍ରହ କରିଥିଲେ। ବୁଧବାର ସକାଳେ ପ୍ରତ୍ୟେକ ଘରେ ବିଭିନ୍ନ ପ୍ରକାର ପିଠା,ଖିରି, ଘରର ଇଷ୍ଟ ଦେବାଦେବୀଙ୍କ ନିକଟରେ ପୂଜାର୍ଚ୍ଚନା କରି ଏକାଠି ବସି,ନୂଆ ବସ୍ତ୍ର ପରିଧାନ କରି ପ୍ରତ୍ୟେକ ଘରେ ନୂଆଧାନର ଚୁଡା, କଦଳୀ ବିଭିନ୍ନ ପ୍ରକାର ପ୍ରସ୍ତୁତକ ରିଥିବା ବ୍ୟଞ୍ଜନକୁ ଖାଇଥିଲେ। କେସିଙ୍ଗା ବ୍ଲକର ବାଲସି ଗ୍ରାମର ସମସ୍ତ ନୂଆଁଖାଇ ଖାଇ ସାରି ଜଗନ୍ନାଥ ମନ୍ଦିରକୁ ଯାଇ ଶ୍ରୀଜଗନ୍ନାଥଙ୍କୁ ଦର୍ଶନ କରି ଗୁରୁଜନମାନଙ୍କୁ ଛୋଟମାନେ ନୂଆଁଖାଇ ଜୁହାର କରି ଥିଲେ। ଅପରାହ୍ନରେ ବିଭିନ୍ନ ସାଂକୃତିକ କାର୍ଯ୍ୟକ୍ରମରେ କେସିଙ୍ଗା ଅଞ୍ଚଳ ଦୁଲୁକିଥିଲା
