ଆଇଫୋନ୍ ତିଆରି କରୁଥିବା କମ୍ପାନୀ ଆପଲ ଏବେ ଏକ ଭୁଲ ପାଇଁ କୋଟି କୋଟି ଟଙ୍କା ଜରିମାନା ଦେବ। କାରଣ ଜଣେ ଯୁବତୀଙ୍କ ଫୋନ୍ ଖରାପ ହେବା ପରେ ସେ ଠିକ୍ କରିବାକୁ ଦେଇଥିଲେ। ଏହା ପରେ ସୋସିଆଲ ମିଡିଆରେ ତାଙ୍କର ନଗ୍ନ ଫଟୋ ଲିକ୍ ହୋଇଥିଲା। ଯାହା ଖୁବ୍ ଭାଇରାଲ ହେଉଛି। ସଂପୃକ୍ତ ଯୁବତୀ ଜଣକ କମ୍ପାନୀଠାରୁ ୫ ମିଲିୟନ ଡଲାର ଅର୍ଥାତ୍ ୩୬ କୋଟି ୬୧ ଲକ୍ଷ ୫୯ ହଜାର ଟଙ୍କା ଜରିମାନା ନେଇଛନ୍ତି। ଆପଲ କମ୍ପାନୀ ୨୧ ବର୍ଷୀୟା ଛାତ୍ରୀଙ୍କୁ ବୁଝାଇବା ପରେ ଲକ୍ଷାଧିକ ଡଲାର ଦେବା ପାଇଁ ପ୍ରସ୍ତୁତ ବୋଲି କହିଛି।
ଏକ ରିପୋର୍ଟ ଅନୁଯାୟୀ, ଜଣେ ମହିଳା କାଲିଫର୍ନିଆରେ ନିଜର ଆଇଫୋନ ଷ୍ଟୋରରେ ମରାମତି କରିବାକୁ ଦେଇଥିଲେ। ଏହି ଷ୍ଟୋରରେ ପେଗାଟନ୍ ନାମକ ଏକ ଆପଲ କମ୍ପାନୀ କଣ୍ଟ୍ରାକ୍ଟର ଦ୍ୱାରା ପରିଚାଳିତ ହେଉଥିଲା। ଷ୍ଟୋରରେ ରିପାୟାରିଂ ମ୍ୟାନ୍ ଖରାପ ଆଇଫୋନକୁ ଠିକ୍ କରିବାକୁ ଚେଷ୍ଟା କରୁଥିଲେ। ଏହି ସମୟରେ ଯୁବତୀଙ୍କ ଫେସବୁକ୍ ପେଜ୍ରେ ତାଙ୍କର ନଗ୍ନ ଫଟୋ ଏବଂ ଭିଡିଓ ପୋଷ୍ଟ କରିଦେଇଥିଲେ। ଏହାକୁ ଦେଖିବା ପରେ ଲୋକେ ଭାବିଲେ ବୋଧହୁଏ ଯୁବତୀ ଜଣକ ଅପ୍ଲୋଡ୍ କରିଛନ୍ତି। ଯେତେବେଳେ ଯୁବତୀଙ୍କ ବନ୍ଧୁ ଫଟୋ ଦେଖିଥିଲେ ସେ ଯୁବତୀଙ୍କୁ ଏ ବିଷୟରେ କହିଥିଲେ। ଏହା ପରେ ଯୁବତୀ ଜଣକ ତାଙ୍କ ସୋସିଆଲ ମିଡିଆରୁ ଫଟୋ ଡିଲିଟ୍ କରିବା ସହ କମ୍ପାନୀ ନାମରେ ମାନହାନି ଅଭିଯୋଗ ଆଣିଛନ୍ତି।