ନୂଆଦିଲ୍ଲୀ,୨୭।୩: କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ କରିଛନ୍ତି। ନିକଟରେ ରାହୁଲ ଗାନ୍ଧୀ ବୀର ସାବରକରଙ୍କ ସହ ନିଜକୁ ତୁଳନା କରିଥିଲେ। ଯାହାକୁ ନେଇ ଅନୁରାଗ ଠାକୁର ସମାଲୋଚନା କରି କହିଛନ୍ତି ଯେ, ରାହୁଲ ଗାନ୍ଧୀ ଚାହିଁଲେ ବି ବୀର ସାବରକର ହୋଇପାରିବେ ନାହିଁ। କାରଣ ଏଥିପାଇଁ ଦେଶ ପ୍ରତି ନିଷ୍ଠା,ପ୍ରେମ, ନିଶ୍ୱାର୍ଥପରତା ରହିବା ଆବଶ୍ୟକ।
ସେ ଆହୁରି କହିଛନ୍ତି, ସାବରକର ଗୋଟିଏ ବର୍ଷରେ ୬ ମାସ ବିଦେଶ ଯାତ୍ରା କରିନଥିଲେ କିମ୍ବା ସେ ନିଜ ଦେଶ ପାଇଁ ବିଦେଶୀମାନଙ୍କ ସାହାଯ୍ୟ ମାଗିନଥିଲେ। ଭାରତ ମାତାକୁ ଦାସତ୍ୱରୁ ମୁକ୍ତ କରିବା ପାଇଁ ଏକ ଆନ୍ଦୋଳନ ଆରମ୍ଭ କରିଥିବାରୁ ସାବରକର ବ୍ରିଟେନ ଯାଇଥିଲେ।
