କେସିଙ୍ଗା,୯ା୯(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟରତ ନର୍ସିଂ ସଙ୍ଘ ୧୨ଦଫା ଦାବି ନେଇ କଳାବ୍ୟାଜ୍ ପରିଧାନ କରି ଶନିବାର ଆନ୍ଦୋଳନକୁ ଓହ୍ଲାଇଛନ୍ତି।
ନର୍ସମାନେ ବିଭିନ୍ନ ଦାବି ନେଇ ରାଜ୍ୟ ସରକାରଙ୍କ ନିକଟରେ ଅଭିଯୋଗ କରିଥିଲେ। ହେଲେ ସମସ୍ୟାର ସମାଧାନ ହେଉ ନ ଥିବା ଅଭିଯୋଗ ହୋଇଛି। ରାଜ୍ୟ ସରକାର ନର୍ସମାନଙ୍କ ୧୨ଦଫା ଦାବି ପୂରଣ ନ କଲେ ଆସନ୍ତା ୧୭ ତାରିଖରୁ ରୋଗୀଙ୍କୁ ଇଞ୍ଜେକଶନ୍ ଦେବା ବନ୍ଦ କରାଯିବ ବୋଲି କେସିଙ୍ଗା ନର୍ସିଂ ସଙ୍ଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ ଦିଆଯାଇଛି। ନର୍ସ ସାରଥି ଦେଈ, ମଧୁସ୍ମିତା ମହାନ୍ତି, ମମତା ପଢ଼ିହାରୀ, ମଧୁସ୍ମିତା ମଲ୍ଲିକ, ଅମିତ ବାଗ, ସୁଷମା ସୁଶିଳା କୁଲ୍ଲା, ନାରାୟଣ ସେଠୀ, କଲ୍ୟାଣ ମଲ୍ଲିକ, ପଦ୍ମିନୀ ମାଝୀ, ସା ମାଝୀ, ଅହଲ୍ୟା ଛତ୍ରିଆ, ଫ୍ଲୋରେନ୍ସ ବାରିକ ପ୍ରମୁଖ କଳାବ୍ୟାଜ ପିନ୍ଧି ପ୍ରତିବାଦ କରିଛନ୍ତି।