ମୁମ୍ବାଇ: ଟେଲିଭିଜନର ସବୁଠାରୁ ବଡ ବିବାଦୀୟ ରିୟଲିଟି ଶୋ’ ବିଗ ବସର ୧୬ ତମ ସିଜିନ ଖୁବଶୀଘ୍ର ଆରମ୍ଭ ହେବାକୁ ଯାଉଛି । ଏବେ ଶୋ’ର ଜଣକ ପରେ ଜଣେ କଣ୍ଟେଷ୍ଟାଣ୍ଡଙ୍କ ନାମ ସାମ୍ନାକୁ ଆସୁଛି । ଏହାରି ଭିତରେ ଶୁଣିବାକୁ ମିଳିଛି କି ବଙ୍ଗାଳି ଅଭିନେତ୍ରୀ ତଥା ତ୍ରୁଣମୂଳ କଂଗ୍ରେସ ଏମପି ନୁସରତ ଜହାଁ ବି ବିଗ ବସ ସିଜନ ୧୬ରେ ନଜର ଆସିପାରନ୍ତି ।
ସଲମାନ ଖାଁଙ୍କ ଶୋ’ ବିଗ ବସ ସିଜନ ୧୬ର ଚର୍ଚ୍ଚା ବେଶ କିଛିଦିନ ହେବ ହେଉଛି । ଏହି ଶୋ’ର ଝଲକ ବି ଇଣ୍ଟରନେଟରେ ଦେଖିବାକୁ ମିଳୁଛି । କିଛିଦିନ ହେବ ଅଲଗା ଅଲଗା ସେଲିବ୍ରିଟିଙ୍କ ନାମ ବିଗ ବସ ୧୬ସିଜନର କଣ୍ଟେଷ୍ଟାଣ୍ଟ ଭାବେ ସାମ୍ନାକୁ ଆସିଲାଣି ।
ସଦ୍ୟତମ ରିପୋର୍ଟ ଅନୁଯାୟୀ, ନୁସରତ ବିଗ ବସ ସିଜନ ୧୬ରେ ଏଣ୍ଟ୍ରି କରିବାର ଚାନ୍ସ ରହିଛି । କୁହାଯାଉଛି କି ନୁସରତଙ୍କୁ ବିଗ ବସର ମେକର୍ସ ଆପ୍ରୋଚ କରିଛନ୍ତି । ଏହି ହାଇ ଭୋଲଟେଜ ଡ୍ରାମ ଶୋ’ରେ ନୁସରତ ଗ୍ଲାମର ଓ ଏଣ୍ଟରଟେନମେଣ୍ଟର ତଡକା ଦେବାକୁ ଆସିପାରନ୍ତି । ଏହାସହ ତାଙ୍କ ଜୀବନୀ ସମ୍ପର୍କରେ ଜାଣିବାକୁ ପ୍ରଶଂସକଙ୍କୁ ମୌକା ବି ମିଳିବ । ହେଲେ ଏହାକୁ ନେଇ ମେକର୍ସ କି ନୁସରତ ଏପର୍ଯ୍ୟନ୍ତ ଚୁପ ରହିଛନ୍ତି ।
ନୁସରତ ଜାହାଁ ଇଣ୍ଡଷ୍ଟ୍ରିର ସବୁଠାରୁ ବିଜି ଆକ୍ଟ୍ରେସଙ୍କ ମଧ୍ୟରୁ ଜଣେ । ଏବେ ତାଙ୍କର କିଛି ମାସର ସିଡ୍ୟୁଲ ଏକଦମ ବିଜି ରହିଛି । ତାଙ୍କ ନିକଟରେ ଫିଲ୍ମର ଅଫର, ବିଜ୍ଞାପନ, ରାଜନୀତି ସହ ଜଡିତ କମିଟମେଣ୍ଟସ୍ ଓ ଅନ୍ୟ ପ୍ରୋଜେକ୍ଟସ ବି ରହିଛି । କୁହାଯାଉଛି କି ଏବେ ନୁସରତ ନିଜର କାମ ସହ ପର୍ସନାଲ ଲାଇଫକୁ ଭଲ ଭାବେ ବାଲାନ୍ସ କରିବା ଉପରେ ଧ୍ୟାନ ଦେଉଛନ୍ତି । ଏହାସହ ସୋସିଆଲ ମିଡିଆରେ ବି ଖୁବ୍ ଆକ୍ଟିଭ ରହୁଛନ୍ତି ।