ନୂଆଦିଲ୍ଲୀ,୩।୧୦: ଦେଶର ପ୍ରମୁଖ ସିମେଣ୍ଟ କମ୍ପାନୀ ନୁଭୋକୋକୁ ଚଳିତ ବର୍ଷର ‘ଗୋଲ୍ଡେନ୍ ପିକକ୍ ଆୱାର୍ଡ ଫର ଏକ୍ସଲେନ୍ସ ଇନ୍ କର୍ପୋରେଟ୍ ଗଭର୍ନାନ୍ସ-୨୦୨୨’ ସମ୍ମାନରେ ସମ୍ମାନିତ କରାଯିବ ବୋଲି ଜଣାପଡିଛି। ବିଶେଷକରି କୋଠା ଉପକରଣ କ୍ଷେତ୍ରରେ ନୁଭୋକୋର ଅଭିବୃଦ୍ଧି ତଥା ଶ୍ରେଷ୍ଠମାନର ଗଭର୍ନାନ୍ସ ଯୋଗୁ ଏଭଳି ଏକ ସମ୍ମାନ ପାଇଁ କମ୍ପାନୀ ମନୋନୀତ ହୋଇଥିବା ଜଣାପଡିଛି। ଏପରିକି ନିର୍ମାଣ କ୍ଷେତ୍ରର ପରିଚାଳନା ବ୍ୟବସ୍ଥା କାର୍ଯ୍ୟକାରୀ କରିବା ଲାଗି ରହିଥିବା ପ୍ରତିବଦ୍ଧତା ପ୍ରତି ଏହା ଏକ ମାନ୍ୟତା ବୋଲି କୁହାଯାଉଛି। ଉଲ୍ଲେଖଯୋଗ୍ୟ ଯେ, ଆସନ୍ତା ନଭେମ୍ବର ୧୦ରେ ଅନୁଷ୍ଠିତ ହେବାକୁ ଥିବା ଏକ ସ୍ବତନ୍ତ୍ର କାର୍ଯ୍ୟକ୍ରମରେ କମ୍ପାନୀକୁ ଉକ୍ତ ସମ୍ମାନଜନକ ଗୋଲ୍ଡେନ୍ ପିକକ୍ ଟ୍ରଫି ଏବଂ ଏକ ସାର୍ଟିଫିକେଟ୍ ପ୍ରଦାନ କରାଯିବ।
ଏ ସମ୍ପର୍କରେ ନୁଭୋକୋ ଭିଷ୍ଟା କର୍ପୋରେଶନ ଲିମିଟେଡ୍ର ପରିଚାଳନା ନିର୍ଦ୍ଦେଶକ ଜୟକୁମାର କ୍ରିଷ୍ଣସ୍ବାମୀ କହିଛନ୍ତି, କର୍ପୋରେଟ୍ ଗଭର୍ନାନ୍ସ ପାଇଁ ମାନଦଣ୍ଡ ଭାବେ ବିଚାର କରାଯାଉଥିବା ଉକ୍ତ ପୁରସ୍କାର ଆମ ଲାଗି କୃତଜ୍ଞତାର ବିଷୟ। ସେହିଭଳି କର୍ପୋରେଟ୍ ଗଭର୍ନାନ୍ସ ଅଭିଯାନ ଓ ପ୍ରଥା ଆମକୁ ଏହି ପୁରସ୍କାର ଆଣି ଦେଇଛି। ସୂଚନାଯୋଗ୍ୟ ଯେ ଇନଷ୍ଟିଚ୍ୟୁଟ୍ ଅଫ୍ ଡାଇରେକ୍ଟର୍ସ ପକ୍ଷରୁ ୧୯୯୧ରେ ଗୋଲ୍ଡେନ୍ ପିକକ୍ ପୁରସ୍କାରର ସ୍ଥାପନ କରାଯାଇଛି।
