ବଲାଙ୍ଗୀର ଅଫିସ, ୨୩ା୧୨ – ବଲାଙ୍ଗୀର ସଦର ବ୍ଲକ ଶିବତଲା ଭଲିବଲ ଆସୋସିଏଶନ ପକ୍ଷରୁ ଏକଦିବସୀୟ ଭଲିବଲ ପ୍ରତିଯୋଗିତା ଶିବତଲା ମିନିଷ୍ଟାଡିୟମଠାରେ ଅନୁଷ୍ଠିତ ହୋଇଯାଇଛି। ଏଥିରେ ବଲାଙ୍ଗୀର, ପାଟଣାଗଡ, ଶିବତଲା ସମେତ ୬ଟି ଦଳ ଅଂଶଗ୍ରହଣ କରିଥିଲେ। ମୁଖ୍ୟଅତିଥି ଭାବେ ଯୋଗଦେଇ ଭୋଜରାଜ ବେହେରା ପ୍ରତିଯୋଗିତାର ଶୁଭାରମ୍ଭ କରିଥିଲେ। ଫାଇନାଲ ଖେଳ ବଲାଙ୍ଗୀର ଭଳିବଲ ଟିମ୍ ଓ ବଲାଙ୍ଗୀର ସଦର ଦଳ ମଧ୍ୟରେ ହୋଇଥିଲା । ବଲାଙ୍ଗୀର ଭଲିବଲ ଟିମ୍ ୨-୧ ସେଟ୍ରେ ସଦର ଦଳକୁ ପରାଜିତ କରି ଚାମ୍ପିୟନ ହୋଇଥିଲା । ଉଦ୍ଯାପନୀ ଉତ୍ସବରେ ମୁଖ୍ୟଅତିଥିଭାବେ ରଞ୍ଜିତ ବେହେରା, ସମ୍ମାନିତ ଅତିଥିଭାବେ ରାଜୀବ ବଣ୍ଡା, ପଦ୍ମଚରଣ ଦାସ, ଗୋଲକ ଚନ୍ଦ୍ର ବାରିକ, ବସନ୍ତ ମେହେର ଯୋଗଦେଇଥିଲେ । ରାଜୀବ ବେହେରା, ଅଞ୍ଜନ ବେହେରା, ହୃଦୟ ଶବର, ସରୋଜ ସାହା ଖେଳ ପରିଚାଳନା କରିଥିଲେ।