ଭୁବନେଶ୍ୱର,୧୨।୯: ଆମେରିକାରେ ରାଷ୍ଟ୍ରପତି ନିର୍ବାଚନ ରୋଚକ ମୋଡ଼ ନେଉଥିବା ବେଳେ ଏଠାରେ ଜଣେ ଓଡ଼ିଆ ପୁଅଙ୍କୁ କମଳା ହାରିସଙ୍କୁ ନିର୍ବାଚନରେ ସହଯୋଗ କରୁଥିବା ଦେଖିବାକୁ ମିଳିଛି। ମୟୂରଭଞ୍ଜ ଆଦିବାସୀ ପ୍ରାଧାନ୍ୟ ଜିଲାର ଓଡିଆ ପୁଅ ସମୟ ସାହୁ ଚାଲିଥିବା ରାଷ୍ଟ୍ରପତି ନିର୍ବାଚନରେ ସକ୍ରିୟ ଅଂଶଗ୍ରହଣ କରି ଓଡ଼ିଶା ଏବଂ ଆମେରିକା ମଧ୍ୟରେ ଦୂରତା ହ୍ରାସ କରିଛନ୍ତି।
ମୟୂରଭଞ୍ଜର ଏହି 21 ବର୍ଷୀୟ ବଳକା ଆମେରିକାର ରାଜନୀତିରେ ଜଣେ ପ୍ରତିଷ୍ଠିତ ବ୍ୟକ୍ତି। ଏତେ କମ ବୟସରେ ଜୋ ବିଡେନଜୋ ବିଡେନ ଆମେରିକାର 46 ତମ ରାଷ୍ଟ୍ରପତି ହେବାରେ ସେ ଏକ ବଡ଼ ଭୂମିକା ଗ୍ରହଣ କରିଥିଲେ।
ଏବେ ସେ ଆମେରିକାର ଉପ-ରାଷ୍ଟ୍ରପତି ତଥା ବର୍ତ୍ତମାନର ରାଷ୍ଟ୍ରପତି ପ୍ରାର୍ଥୀ କମଲା ହାରିସଙ୍କ ପାଇଁ ପ୍ରଚାର କରୁଛନ୍ତି। ସେ ଡେମୋକ୍ରାଟିକ୍ ପାର୍ଟିର ସଦସ୍ୟ ଏବଂ ନିର୍ବାଚନ ପ୍ରଚାରରେ ଡେମୋକ୍ରାଟିକ୍ ଛାତ୍ର ସଂଘର ପକ୍ଷକୁ ଆଗେଇ ନେବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି।
ପିତା ମାନସ ସାହୁ ତାଙ୍କ ପରିବାର ସହିତ ନ୍ୟୁ ହାମ୍ପସାୟାରର ନାସାଉରେ ବସବାସ କରୁଛନ୍ତି। ତାଙ୍କ ପରିବାରର ଏକ ରେଷ୍ଟୁରାଣ୍ଟର ଥିବା ବେଳେ ସେ ଆମେରିକାର ନାଗରିକତା ହାସଲ କରିଛନ୍ତି। ସମୟ ତାଙ୍କର ସ୍କୁଲ ଦିନରୁ ରାଜନୀତିରେ ପ୍ରଚାର ଏବଂ ରଣନୀତି ଆରମ୍ଭ କରିଥିଲେ। ସେ ପ୍ରଥମେ ଆମେରିକାର ହାଇସ୍କୁଲ ଡେମୋକ୍ରାଟର ନ୍ୟାସନାଲ ଚେୟାରମ୍ୟାନ୍ ଭାବରେ ନିର୍ବାଚିତ ହୋଇଥିଲେ।
ସେବେଠାରୁ ସେ ଆଉ ପଛକୁ ଚାହିଁ ନଥିଲେ। ସେ ଜୋ ବିଡେନଙ୍କ ପାଇଁ ପ୍ରଚାର କରିଥିଲେ ଏବଂ ବର୍ତ୍ତମାନ କମଲା ହାରିସଙ୍କ ପାଇଁ ପ୍ରଚାର କରୁଛନ୍ତି ଯିଏ ଡୋନାଲ୍ଡ ଟ୍ରମ୍ପଙ୍କ ବିପକ୍ଷରେ ଆମେରିକାର ୪୭ ତମ ରାଷ୍ଟ୍ରପତିଙ୍କ ପାଇଁ ନିର୍ବାଚନ ଲଢ଼ୁଛନ୍ତି।