ତିଗିରିଆ, ୩।୪(ଜାଫର ଖାଁ ): କଟକ ଜିଲା ତିଗିରିଆ ଥାନା ଅନ୍ତର୍ଗତ ଜେମାଦେଇପୁର ସ୍ଥିତ ମଙ୍ଗଳାବଜାରରେ ବୁଧବାର ମଧ୍ୟାହ୍ନରେ ଏକ ଦୁର୍ଘଟଣା ଘଟିଛି। ଆଠଗଡ ପଟୁ ବଡମ୍ବା ଆଡକୁ ଦ୍ରୁତଗତିରେ ଯାଉଥିବା ଏକ ହାଇୱା ଭାରସାମ୍ୟ ହରାଇ ୩ ଦୋକାନ ଭାଙ୍ଗିବା ସହିତ ୭ ବାଇକ, ଗୋଟିଏ ସାଇକେଲ ଉପରେ ଚଢ଼ିଯାଇଛି। ଭାଙ୍ଗିଥିବା ଦୋକାନଗୁଡିକ ମଧ୍ୟରୁ ଗୋଟିଏ ପରିବା ଦୋକାନ, ଗୋଟିଏ ପାନ ଦୋକାନ ଓ ଶେଷ ଦୋକାନଟି ଗ୍ୟାରେଜ ଥିବା ଜଣାପଡ଼ିଛି। ସେହିଭଳି ମରାମତି ପାଇଁ ଥିବା ମୋଟର ସାଇକଲଗୁଡିକ ଭାଙ୍ଗିଛି l ଏହି ଦୁର୍ଘଟଣାରେ ଗ୍ୟାରେଜ ମାଲିକ ଗୁରୁତର ହୋଇଛନ୍ତି l ତିଗିରିଆ ପୋଲିସ ହାଇୱାକୁ ଜବତ କରିଛି l