ସୋରଡ଼ା,୨୫ା୧(ଡି.ଏନ୍.ଏ.): ବିଭିନ୍ନ ସମସ୍ୟା ନେଇ ଓଡ଼ିଶା ଅଙ୍ଗନବାଡି ଲେଡିସ ଓ୍ବାର୍କର୍ସ ଆସୋସିଏଶନ ସୋରଡା ବ୍ଲକ ତରଫରୁ ଜିଲପାଳ, ତହସିଲଦାର, ଆଇଆଇସି, ଉପଜିଲପାଳଙ୍କୁ ଗତ ଶନିବାର ଏକ ଦାବିପତ୍ର ପ୍ରଦାନ କରଯାଇଥିଲା। ୨୪ ତାରିଖ ପର୍ଯ୍ୟନ୍ତ ସମସ୍ୟାର ସମାଧାନ ନ ହେଲେ ୨୫ ତାରିଖରୁ ଧାରଣା ଦିଆଯିବ ବୋଲି ଚେତାବନୀ ଦିଆଯାଇଥିଲା। ସୋମବାର ବି ସୀମାଞ୍ଚଳ ପ୍ରଧାନ, ସି ମଞ୍ଜୁବାଳା ନାୟକ ଅଙ୍ଗନବାଡି କର୍ମୀମାନଙ୍କ ସହ ଆଲୋଚନା କରି ଆସନ୍ତା ୨୯ ତାରିଖ ସୁଦ୍ଧା ବ୍ଲକ ଓ ଏନଏସିରେ କାର୍ଯ୍ୟରତ ୨୫୮ ଅଙ୍ଗନବାଡି କର୍ମୀମାନଙ୍କ ୩୩ ମାସର ଟିଏ, ପ୍ରସୂତି କାଳୀନ ଛୁଟି ନେଇଥିବା କେତେକଙ୍କ ଅର୍ଥ, ଭତ୍ତା, କେତେଜଣଙ୍କ ଦରମା ବନ୍ଦ ସମସ୍ୟାର ସମାଧାନ କରିବା ପାଇଁ ପ୍ରତିଶ୍ରୁତି ଦେଇଥିବା ଆସୋସିଏଶନ ସମ୍ପାଦିକା ଉଶା ରାଣି ପତି କହିଛନ୍ତି। ତେଣୁ ୨୫ରେ ହେବାକୁ ଥିବା ଧାରଣାକୁ ସ୍ଥଗିତ କରାଯାଇଛି।