ଭୁବନେଶ୍ୱର, ୨୫ା୧୨: ସ୍ଥାନୀୟ ଉତ୍କଳ କରାଟେ ସ୍କୁଲ ପରିସରରେ ଚାଲିଥିବା ଅଲ୍ ଇଣ୍ଡିଆ ଓପନ କରାଟେ ପ୍ରତିଯୋଗିତାରେ ଓଡ଼ିଶାର ପ୍ରଧାନ୍ୟ ଅବ୍ୟାହତ ରହିଛି। ୧୧ବର୍ଷ ମହିଳା କାଟା ପୁଲ୍ରେ ଗୁଜରାଟର ବଂଶୀ ପଟେଲ ଏକ ସ୍ବର୍ଣ୍ଣ ପଦକ ଶନିବାର ଫଇସଲା ହୋଇଥିବା ଇଭେଣ୍ଟଗୁଡ଼ିକର ଅନ୍ୟ ସମସ୍ତ ପଦକ ଓଡ଼ିଶା ପ୍ରତିଯୋଗୀ ପାଇଥିଲେ। ତୃତୀୟ ଦିବସରେ ମେୟର ସୁଲୋଚନା ଦାସ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମୋ କଲେଜ ଅଭିଯାନର ଚେୟାରପର୍ସନ ଆକାଶ ଦାସ ନାୟକ ସମ୍ମାନିତ ଅତିଥି ଭାବେ ଯୋଗ ଦେଇ ପୁରସ୍କାର ବିତରଣ କରିଥିଲେ। ଅନ୍ୟମାନଙ୍କ ମଧ୍ୟରେ ଦୂରଦର୍ଶୀ ସମ୍ପାଦକ ଦୁର୍ଗା ସାମନ୍ତରାୟ ଏବଂ ଓଡ଼ିଶା କରାଟେ ସଂଘ ସଭ୍ୟ କାଳିପ୍ରସାଦ ନନ୍ଦ ଉପସ୍ଥିତ ଥିଲେ। ପ୍ରତିଯୋଗିତାକୁ ଅଭିନାସ ସିଂ ପୁନ୍ଦିର, ସନ୍ଦୀପ ଦାସ, ଦୀପକ ସାମନ୍ତରା, ଖାରବେଳ ମଲିକ, ରାଜୀବ ସିଂ, ଜୟଦେବ ପଟ୍ଟନାୟକ, ଗୌରୀ ମହାନ୍ତି, ଅନୁପମା ସ୍ବାଇଁ ସନ୍ଦୀପ ମହାନ୍ତି, ଦୁର୍ଗା ରଥ, ମୁନା ସିଂ ଲାଲ୍ ଓ ଅନ୍ୟମାନେ ପରିଚାଳନା କରିଥିଲେ।