ନୂଆଦିଲ୍ଲୀ,୩୦।୧୨: ଓଡ଼ିଶା ଅଗ୍ନିଶମ ଓ ଜରୁରିକାଳୀନ ସେବା ପାଇଁ ନିୟମାବଳୀ ପରିବର୍ତ୍ତନ କରିଛନ୍ତି ରାଜ୍ୟ ସରକାର। ବିଭିନ୍ନ ବିପତ୍ତିକାଳୀନ ପରିସ୍ଥିତିରେ ଅଗ୍ନିଶମ ଓ ଜରୁରିକାଳୀନ ସେବା ଉତ୍ସର୍ଗୀକୃତ ଓ ତତ୍ପର ସେବା ପ୍ରଦାନ କରିଥାଏ । ଏହି ସେବା ପ୍ରଦାନ ନିମନ୍ତେ ସୁସ୍ଥତା ଥିବା ପ୍ରାର୍ଥୀମାନଙ୍କର ଆବଶ୍ୟକ ହୋଇଥାଏ ।
ତେବେ ନିକଟରେ ଆଗ୍ନିକ ଓ ଆଶ୍ଵିକ ଗାଡିଚାଳକ ଚୟନ ପାଇଁ ହେଉଥିବା ଲିଖିତ ପରୀକ୍ଷାରେ ଅଧିକ ନମ୍ବର ରଖୁଥିବା ପ୍ରାର୍ଥୀମାନେ ଶାରୀରିକ ମାନଦଣ୍ଡ ଓ ଦକ୍ଷତା ପରୀକ୍ଷାରେ ଯୋଗ୍ୟତା ହାସଲ କରି ପାରୁ ନ ଥିବାର ଦେଖିବାକୁ ମିଳିଥିଲା। ଫଳରେ, ବିଜ୍ଞାପନ ଅନୁଯାୟୀ ଖାଲି ପଦବୀଗୁଡିକ ପୂରଣ ହୋଇପାରିନାହିଁ।
ତେଣୁ ବିଜ୍ଞାପନରେ ଉଲ୍ଲେଖ ଥିବା ଖାଲି ପଦବୀଗୁଡିକୁ ପୂରଣ କରିବା ପାଇଁ ଓଡିଶା ଅଗ୍ନିଶମ ସେବା (“ଗ” ବର୍ଗ ଅଧିକାରୀମାନଙ୍କ ନିଯୁକ୍ତି ଓ ଚାକିରୀ ସର୍ଭ) ନିୟମାବଳୀ, ୨୦୨୧ର ନିୟମ ୧୨ (୩)ରେ ଥିବା ନିୟମକୁ ସଂଶୋଧନ କରି ଲିଖିତ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ପ୍ରାର୍ଥୀମାନଙ୍କ ମଧ୍ୟରୁ ବର୍ଗ ଭିଭିକ ସ୍ତରରେ ଖାଲି ଥିବା ପଦବୀ ସଂଖ୍ୟାର ୩ ଗୁଣ ବଦଳରେ ୭ ଗୁଣ ପ୍ରାର୍ଥୀଙ୍କୁ ଶାରିରୀକ ମାନଦଣ୍ଡ ଓ ଦକ୍ଷତା ପରୀକ୍ଷା ନିମନ୍ତେ ଡକାଯିବା ପାଇଁ ବିଚାର କରାଯାଇଛି ।
