ଭୁବନେଶ୍ୱର,୧୩।୩: ରାଜ୍ୟରେ କାର୍ଯ୍ୟକାରୀ ହୋଇଥିବା ଯୋଜନା ଗୁଡିକର ପ୍ରଚାର ପ୍ରସାର ନିମନ୍ତେ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଗତ ଏକ ବର୍ଷ ( ଜାନୁୟାରୀ ୨୦୨୪ ରୁ ଜାନୁୟାରୀ ୨୦୨୫ ) ମଧ୍ୟରେ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଆୟୋଜିତ ବିଭିନ୍ନ ସରକାରୀ କାର୍ଯ୍ୟକ୍ରମରେ ମୋ ଟ.୨,୨୪,୬୯,୫୩୩/- ( ଦୁଇ କୋଟି ଚବିଶ ଲକ୍ଷ ଅଣସ୍ତରୀ ହଜାର ପାଞ୍ଚ ଶହ ତେତିଶ ) ଟଙ୍କା ବ୍ୟୟ ହୋଇଛି ।
“ଓଡ଼ିଶା ସରକାରଙ୍କ ବିଜ୍ଞାପନ ନୀତି-୧୯୯୮” ରେ ପ୍ରଦତ୍ତ ମାପଦଣ୍ଡ ଅନୁଯାୟୀ ଅନୁବନ୍ଧିତ ଖବର କାଗଜ ଓ ପତ୍ରପତ୍ରିକା ଗୁଡିକୁ ବିଜ୍ଞାପନ ଆବଣ୍ଟନ କରାଯାଇଛି। କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତିଙ୍କ ପ୍ରଶ୍ନର ଲିଖିତ ଉତ୍ତରରେ ମୁଖ୍ୟମନ୍ତ୍ରୀ ଏହି ସୂଚନା ଦେଇଛନ୍ତି।
