ରଘୁବର ଦାସ ଓଡ଼ିଶା ରାଜ୍ୟପାଳ: ପ୍ରଫେସର ଗଣେଶୀ ଲାଲଙ୍କ ସ୍ଥାନ ନେବେ

ଭୁବନେଶ୍ୱର,୧୮।୧୦: ଝାଡଖଣ୍ଡର ପୂବତନ ମୁଖ୍ୟମନ୍ତ୍ରୀ ରଘୁବର ଦାସ ଓଡ଼ିଶାର ରାଜ୍ୟପାଳ ଭାବେ ନିଯୁକ୍ତ ହୋଇଛନ୍ତି। ସେ ପ୍ରଫେସର ଗଣେଶୀ ଲାଲଙ୍କ ସ୍ଥାନ ନେବେ। ରାଷ୍ଟ୍ରପତି ଭବନ ପକ୍ଷରୁ ବୁଧବାର ଏହି ସୂଚନା ଦିଆଯାଇଛି।
ରଘୁବର ୨୮ ଡିସେମ୍ବର ୨୦୧୪ରେ ଝାଡଖଣ୍ଡର ଷଷ୍ଠ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଏହାସହ ଝାଡଖଣ୍ଡ ଭାଜପାର ସଭାପତି ଭାବରେ କାର୍ଯ୍ୟ କରିଥିବା ରଘୁବର ଏବେ ଭାଜପାର ରାଷ୍ଟ୍ରୀୟ ଉପସଭାପତି ଅଛନ୍ତି।