ସୁନ୍ଦରଗଡ,୨୨ା୧୧(ଜୟ ନାରାୟଣ ମେଣ୍ଡୁଳି): ଜିଲା କ୍ରୀଡା ସଂସଦ ଓ ଫୁଟବଲ ଆସୋସିଏସନ ଅଫ ଓଡିଶା(ଫାଓ)ର ମିଳିତ ଆନୁକୂଲ୍ୟରେ ସୁନ୍ଦରଗଡ ଷ୍ଟାଡିୟମରେ ଆୟୋଜିତ ୨୮ତମ ଜାତୀୟ ମହିଳା ଫୁଟବଲ ଚମ୍ପିୟାନ ସିପ ମଙ୍ଗଳବାର ଉଦଯାପିତ ହୋଇଯାଇଛି। ଅନ୍ତିମ ଦିବସରେ ପୂର୍ତ୍ତ ବିଭାଗ ଅଧୀକ୍ଷଣ ଯନ୍ତ୍ରୀ ଇ.ନାରାୟଣ ପଟେଲ ମୁଖ୍ୟ ଅତିଥି,ସେଣ୍ଟ ଟେରେସା ଇଙ୍ଗଲିଶ ସ୍କୁଲ ର ପ୍ରିସିନ୍ସପାଲ ପି.ସେଲଭି ଓ ସୁନ୍ଦରଗଡ ସରକାରୀ କଲେଜ ପ୍ରିନ୍ସପାଲ ଡ.ଲଳିତ ରଞନ ସାହୁ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଅରୁଣାଚଳ ପ୍ରଦେଶ ଓ ଗୁଜରାଟ ମଧ୍ୟରେ ହୋଇଥିବା ପ୍ରଥମ ମ୍ୟାଚରେ ଅରୁଣାଚଳ ପ୍ରଦେଶ ୩-୧ଗୋଲରେ ବିଜୟା ହୋଇଥିଲା। ଅରୁଣାଚଳ ପ୍ରଦେଶ ଦଳ ତରଫରୁ ୟୁମଲାମ ଲାମି ୨ଗୋଲ(୫୧ ଓ ୯୦ମିନିଟ) ,ରଶ୍ମି ମନ୍ୟୁ (୭୫ମିନିଟ) ଗୋଟିଏ ଗୋଲ ଦେଇଥିଲେ। ସେହିପରି ଗୁଜରାଟ ତରଫରୁ ଭୂମିସା ଡ୍ରାଭିଡ୍ ଏକ ମାତ୍ର ଗୋଲ କରିବାରେ ସକ୍ଷମ ହୋଇଥିଲେ। ସେହିପରି ଅପରାହ୍ନରେ ଓଡିଶା ଓ ଗୋଆ ମଧ୍ୟରେ ମ୍ୟାଚ ହୋଇଥିଲା। ସଙ୍ଘର୍ଷପୂର୍ଣ୍ଣ ମ୍ୟାଚରେ ଓଡିଶା ୨-୦ ଗୋଲରେ ବିଜୟୀ ହୋଇ ଗ୍ରୁପ ଚାମ୍ପିୟନ ହୋଇଥିଲା। ଓଡିଶା ତରଫରୁ ଯଶୋଦା ମୁଣ୍ଡା(୨)ଓ ମାଳତୀ ମୁଣ୍ଡା(୧୨)ମିନିଟରେ ଗୋଟିଏ ଲେଖାଏଁ ଗୋଲ ଦେଇଥିଲେ। ସୁନ୍ଦରଗଡ ଜିଲା କ୍ରୀଡା ସସଦର ସାଧାରଣ ସମ୍ପାଦକ ପ୍ରଭାତ କୁମାର ଭୋଳ, କୋଷାଧ୍ୟକ୍ଷ ଦୁର୍ଗାମାଧବ ନାଏକ, ଉପସଭାପତି ମେରୀଜନ ବାଗେ, ପୌଷଚନ୍ଦ୍ର ପଟେଲ, ବିମପ ବୋଷ, ଜୟଦେବ ପାତ୍ର,ରାଜେନ୍ଦ୍ର ପାଣ୍ଡେ,ନିତ୍ୟ କୁମାର ବଳ,ରୋମାଞ୍ଚ ଭୈଷାଲ,ବିଶ୍ବ ରଞନ ହୋତା,ସୁଶୀଲ ପଟେଲ, ରବି ମହାପାତ୍ର,ଆଶିଷ ଦେ, ବୀରମିତ୍ର କାଲୋ,ଶିଶିର ପଟେଲ, ଶ୍ୟାମନନ୍ଦନ ସହାୟ,ପ୍ରସାଦ ନାଏକ ପ୍ରମୁଖଙ୍କ ତତ୍ତ୍ୱାବଧାନରେ ଏହି ଟୁର୍ନାମେଣ୍ଟ ଆୟୋଜିତ ହୋଇଥିଲା। ସୁନ୍ଦରଗଡ ଷ୍ଟାଡିୟମରେ ପ୍ରଥମ ଥର ପାଇଁ ଜାତୀୟ ଫୁଟବଲ ପ୍ରତିଯୋଗିତା ହୋଇଥିବାରୁ ଫାଓ ସମ୍ପାଦକ ଆର୍ଶୀବାଦ ବେହେରା ଓ ଯୁଗ୍ମ ସମ୍ପାଦକ ଅଭିଜିତ ପାଲଙ୍କୁ ସୁନ୍ଦର ଗଡ ଜିଲା କ୍ରୀଡା ସସଦ ତରଫରୁ କୃତଜ୍ଞତା ଜ୍ଞାପନ କରାଯାଇଛି।