ଭୁବନେଶ୍ୱର, ୨।୧(କ୍ରୀଡ଼ା ପ୍ରତିନିଧି)-
ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ଆନୁକୂଲ୍ୟରେ କଟକର ବାରବାଟୀ ଷ୍ଟାଡିୟମରେ ଚାଲିଥିବା ଏମ୍ଜିଏମ୍ ଟି୨୦ କ୍ରିକେଟ ଲିଗ୍ର ଶୁକ୍ରବାର ଅନୁଷ୍ଠିତ ପ୍ରଥମ ମ୍ୟାଚରେ ଓଡ଼ିଶା ପାନ୍ଥର୍ସ ୭ ଉଇକେଟରେ ଟାଇଗର୍ସକୁ ପରାସ୍ତ କରିଛି। ଟାଇଗର୍ସ ପକ୍ଷରୁ ଧାର୍ଯ୍ୟ ୧୨୭ ରନର ବିଜୟ ଲକ୍ଷ୍ୟକୁ ପାନ୍ଥର୍ସ ୧୯.୩ ଓଭରରେ ୩ ଉଇକେଟ ହରାଇ ହାସଲ କରି ନେଇଥିଲା। ଚଳିତ ପ୍ରତିଯୋଗିତାରେ ପାନ୍ଥର୍ସର ଏହା କ୍ରମାଗତ ଦ୍ୱିତୀୟ ଏବଂ ମୋଟ ୪ର୍ଥ ବିଜୟ। ଏହା ବ୍ୟତୀତ ଏପର୍ଯ୍ୟନ୍ତ ଏକମାତ୍ର ଦଳଭାବେ ପାନ୍ଥର୍ସ ଅପରାଜେୟ ମଧ୍ୟ ରହିଛି। ୪ ମ୍ୟାଚରୁ ୧୬ ପଏଣ୍ଟ ପାଇ ଦଳ ଟେବୁଲର ଶୀର୍ଷରେ ନିଜର ସ୍ଥାନକୁ ସୁଦୃଢ଼ କରିଛି। ଅନ୍ୟପକ୍ଷରେ ଟାଇଗର୍ସ ୪ ମ୍ୟାଚରୁ ୨ ପରାଜୟ ଓ ୨ ବିଜୟ ସହ ୮ ପଏଣ୍ଟ ପାଇଛି।
ଟସ୍ ହାରି ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିଲା ଟାଇଗର୍ସ। ଦୁଇ ଓପନର ଆୟୁଷ ନାଏକ ଓ ଦିବ୍ୟଶକ୍ତି ଚକ୍ରବର୍ତ୍ତୀ ଭଲ ଆରମ୍ଭ କରିଥିଲେ ହେଁ ମିଡିଲ ଏବଂ ଲୋୟର ଅର୍ଡର ବ୍ୟାଟିଂ ବିପର୍ଯ୍ୟୟ ଯୋଗୁ ଦଳ ୨୦ ଓଭରରେ ୯ ଉଇକେଟ ହରାଇ ୧୨୬ ରନ କରି ପାରିଥିଲା। ଆୟୁଷ ଓ ଦିବ୍ୟଶକ୍ତି ୨୬ ରନ କରିଥିବାବେଳେ ଅନ୍ୟ ସମସ୍ତେ ଫେଲ୍ ମାରିଥିଲେ। ୭ ବ୍ୟାଟ୍ସମ୍ୟାନ ଦୁଇଅଙ୍କର ପହଞ୍ଚତ୍ପାରି ନ ଥିଲେ। ବିପକ୍ଷ ଦଳର ଆଲୋକ ସାହୁ ସର୍ବାଧିକ ୩ଟି, ଶୁଭମ୍ ନାୟକ ୨ଟି ଏବଂ ବସନ୍ତ ମହାନ୍ତି, ଜୟନ୍ତ ବେହେରା ଓ ପ୍ରଦୀପ ପ୍ରଧାନ ଗୋଟିଏ ଲେଖାଏ ଉଇକେଟ ନେଇଥିଲେ। ଟାଇଗର୍ସ ୫ ରନରେ ପ୍ରଥମ ଏବଂ ୩୦ ରନରେ ଦ୍ୱିତୀୟ ଉଇକେଟ ହରାଇଥିଲେ ହେଁ ଅଭିଷେକ ଯାଦବଙ୍କ ଅପରାଜିତ ଦ୍ରୁତ ଅର୍ଦ୍ଧଶତକ ଏବଂ ବିନିତ ମହାନ୍ତିଙ୍କ ଉପଯୋଗୀ ୩୦ ରନ ସହାୟତାରେ ଟାର୍ଗେଟ୍ରେ ପହଞ୍ଚତ୍ ଯାଇଥିଲା। ୩୬ଟି ବଲ ଖେଳିଥିବା ଅଭିଷେକ ୩ଟି ଲେଖାଏ ଚୌକା ଓ ଛକା ମାରି ସର୍ବାଧିକ ୫୫* ରନ ସ୍କୋର କରିଥିଲେ। ଦଳର ୨ ଖେଳାଳି ରନ୍ଆଉଟ ହୋଇଥିବାବେଳେ ପ୍ରତିପକ୍ଷ ଦଳର ସଞ୍ଜୟ ଦାସ ଗୋଟିଏ ଉଇକେଟ ନେଇଥିଲେ। ମ୍ୟାଚ ବିଜୟୀ ଇନିଂସ ପାଇଁ ଅଭିଷେକ ଯାଦବ ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇଥିଲେ। ହକି ଓଡ଼ିଶା ସମ୍ପାଦକ ତଥା ଓସିଏ ସଦସ୍ୟ ପ୍ରତାପ ଶତପଥୀ