ଭୁବନେଶ୍ୱର,୬।୧(ସ୍ପୋଟର୍ସ ବ୍ୟୁରୋ): ଓଡ଼ିଶା ଟି୨୦ କ୍ରିକେଟ ଲିଗ୍ରେ ମଙ୍ଗଳବାର ଖେଳାଯାଇଥିବା ପ୍ରଥମ ମ୍ୟାଚ୍ରେ ଓଡ଼ିଶା ଟାଇଗର୍ସ ୨୯ ରନରେ ଓଡ଼ିଶା ଚିତାସ୍କୁ ପରାସ୍ତ କରିଛି। ମଙ୍ଗଳବାର ଟୁର୍ନାମେଣ୍ଟରେ ୧୯ତମ ମ୍ୟାଚ୍ରେ ଟସ୍ ଜିତି ଟାଇଗର୍ସ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୫ ଉଇକେଟ ହରାଇ ୧୫୩ ରନ ସଂଗ୍ରହ କରିଥିଲା। ଜବାବରେ ଚିତାସ ୪ ଉଇକେଟ ହରାଇ ୧୨୪ ରନରରେ ସୀମିତ ରହି ପରାସ୍ତ ହୋଇଥିଲା। ଏଥି ସହିତ ଟାଇଗର୍ସ ୭ଟି ମ୍ୟାଚ୍ ଖେଳି ୩ ବିଜୟ ଓ ୪ ପରାଜୟ ସହ ୧୨ ପଏଣ୍ଟ ପାଇଁ ତାଲିକାର ଚତୁର୍ଥ ସ୍ଥାନରେ ରହିଛି। ଅନ୍ୟପଟେ ଚିତାସ ୭ଟି ମ୍ୟାଚ୍ ଖେଳି ୩ ବିଜୟ, ୪ ପରାଜୟ ସହ ସମାନ ୧୨ ପଏଣ୍ଟ ପାଇଥିଲେ ମଧ୍ୟ ନେଟ୍ ରନ୍ ରେଟ୍ରେ ପଛରେ ରହି ପଞ୍ଚମ ସ୍ଥାନରେ ରହିଛି। ୪୯ ରନର ଦ୍ରୁତ ଅପରାଜିତ ଇନିଂସ ଖେଳିଥିବା ଟାଇଗର୍ସ ଅଧିନାୟକ ଦେବାଶିଷ ସାମନ୍ତରାୟ ମ୍ୟାନ୍ ଅଫ୍ ଦି ମ୍ୟାଚ୍ ବିବେଚିତ ହୋଇଛନ୍ତି।
୧୫୪ ରନ ବିଜୟ ଲକ୍ଷ୍ୟର ପିଛା କରି ଚିତାସ ଆବଶ୍ୟକ ହାରରେ ରନ୍ ସଂଗ୍ରହ କରିପାରି ନ ଥିଲା। ଦଳ ତରଫରୁ ମାରୋଜୁ ପ୍ରଶାନ୍ତ ସର୍ବାଧିକ ୫୪ ରନର ଅର୍ଦ୍ଧଶତକୀୟ ପାଳି ଖେଳିଥିଲେ। ଅଭିଷେକ ରାଉତ ୩୮ ରନ କରି ଅପରାଜିତ ରହିଥିଲେ। ଅଧିନାୟକ ଅନୁରାଗ ଷଡଙ୍ଗୀ ୧୦ ରନକରି ଆଉଟ ହୋଇଥିବା ବେଳେ ଅନ୍ୟମାନେ ବିଫଳ ହୋଇଥିଲେ। ବୋଲିଂରେ ଟାଇଗର୍ସର ବି. ଶବ ୨ ଓ ମିନାଲ ପରିଡା ଗୋଟିଏ ଉଇକେଟ ଅକ୍ତିଆର କରିଥିଲେ।
ପ୍ରଥମେ ବ୍ୟାଟିଂ କରିଥିବା ଟାଇଗର୍ସ ତରଫରୁ ଦେବାଶିଷ ସର୍ବାଧିକ ଅପରାଜିତ ୪୯, ଅମିନ ଖାଁ ୪୫, ଦିବ୍ୟଶକ୍ତି ଚକ୍ରବର୍ତ୍ତୀ ୧୧, ରାକେଶ ଗୋଛାୟତ ୧୭ ରନ ସଂଗ୍ରହ କରିଥିଲେ। ହର୍ଶିତ ରାଠୋର ୨୨ ରନ କରି ଅପରାଜିତ ରହିଥିଲେ। ବୋଲିଂରେ ଚିତାସ ତରଫରୁ ଅଭିଜିତ ହୋତା, ମନୋଜ ବାରିକ, ଅନୁରାଗ ଓ ଅଭିଷେକ ରାଉତ ଗୋଟିଏ ଲେଖାଏ ଉଇକେଟ ହାସଲ କରିଥିଲେ।
ସେହିପରି ମଙ୍ଗଳବାର ଅନୁଷ୍ଠିତ ଟୁର୍ନାମେଣ୍ଟ ଦଶମ ମ୍ୟାଚ୍ରେ ଓଡ଼ିଶା ଲାୟନ୍ସ ୪ ଉଇକେଟରେ ଓଡ଼ିଶା ଜାଗୁଆର୍ସକୁ ହରାଇଛି। ଟସ୍ ଜିତି ଜାଗୁଆର୍ସ ପ୍ରଥମେ ବ୍ୟାଟିଂ କରି ୯ ଉଇକେଟ ହରାଇ ୧୧୧ ରନ ସଂଗ୍ରହ କରିଥିଲା। ଜବାବରେ ଲାୟନ୍ସ ୧୯ ଓଭରରେ ୬ ଉଇକେଟ ହରାଇ ୧୧୭ ରନ କରି ବିଜୟୀ ହୋଇଥିଲା।
